LSW 39 / 2018
Diposting oleh : Administrator
Kategori: Layang Saka Warga - Dibaca: 25 kali

Pananggalan

BP. Harnoto Krajan Bringin – Semarang.

 

Séda Setu Kliwon  11 Noopember 2017

20 Sapar 1439 (Dal)

Pendhak I     Rebo Wagé  31 – 10 – 2018

Pendhak II Minggu Pon 20 – 10 – 2019

1000 dina  Kemis Wagé  6 – 8 –2020

Red.

 

Mantan Napi Koruptor dadi Caleg

Sawise maca kabar keputusan Mahkamah Agung sing mbatalake keputusan KPU sing ora ngolehi tilas napi koruptor dadi caleg, atiku kok dadi ora kepenak. Lha kepriye ora ? Yen wong sing wis nate dadi napi merga kasus korupsi kok oleh dadi calon anggota legislatif, ateges binuka kalodhangan bakal kepilih dadi anggota DPR / DPRD, lire bakal dadi wakil rakyat, lan biyasane uga banjur nganggo embel-embel yang terhormat. Kamangka uga banjur oleh bayaran gedhe, fasilitase akeh lan mesthi mae banjur uripe mabyor.

Tilas wong ukuman merga tumindak njejemberi kok methèngkrèng kaya ngono, apa ya pantes ? Pancen secara hukum, MA ora salah. Nanging sak ndhuwure hukum, isih ana etika. Wong sing wis tau tumindak nistha kanthi mangan dhuwite rakyat, kok arep dadi anggota legislatif, wakile rakyat sing nggawe undhang undhang, nduweni hak pengawasan, melu milih lan nentokake anggota KPK, pejabat penting kaya Panglima TNI, Kapolri, lsp. Wah kepriye ya iki, lan uga arep dadi apa nasibe NKRI ? Kok kaya ngene ?

Aku kok ora yakin yen wong mengkono mau ora bakal dipilih dening rakyat, ora mung jalaran para pemilih kita mau akeh sing bodho lan gelem milih tilas koruptor mau. Nanging ngelingi yen akeh warga kita sing gampang dibujuk kanthi dhuwit sing ora mbejaji  (money politik), apamaneh tilas koruptor mau dhuwite akeh lan ora bakal eman nggunakake dhuwit korup mau kanggo tuku suwarane rakyat.

Kepriye panemune para sutresna PS liyane ?

SIRUN  —  SURABAYA

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik