Cawapres
Diposting oleh : Administrator
Kategori: Email Saka Jakarta - Dibaca: 41 kali

Saben limang taun ing Indonesia mesthi ana pesta demokrasi kang banget ngentekake energi yaiku sa­lah sijine pilpres. Kaya-kaya energi bangsa iki kekuras dudu kanggo mba­ngun bangsa iki supaya cepet maju, na­nging kabeh partai kepengin sapa kang mimpin pemerintahan iki saka partaine. Durung pilihan kepala daerah lan DPR/DPRD kang uga ora kalah nguras energi. Malah isih ana pilihan lurah, lan malah RW/RT. Ora mokal yen saben ndina pa­warta ana media isine iku. Sapa kang bakal nyalon dadi presiden apa wapres.

Kaya sadurunge penetapan Capres lan Cawapres 2019, akeh banget calon kang muncul ana ing bursa. Nanging anehe, kang akeh malah dudu calon pre­siden sing bakal nyalon, nanging ma-lah calon wakil presiden. Yen dakpikir-pikir kok kaya jaman Orde Baru biyen. Saben arep pilihan presiden sing rame calone dudu calon presiden nanging calon wakil presiden. Amarga apa? Ya mesthi wae rikala iku kang dadi presiden rak ya Pak Harto. Lha kepriye, Pak Harto kang dadi panguawasa Orde Baru rikala iku kaya-kaya ora ana gantine.

Malah kaya-kaya Pak Harto kok ra­sane bakal dadi Presiden selawase urip. Kaya pak Karno biyen. Mula akeh banget predikat kang wis disandhang Pak Harto, kaya pangkat Jenderal Besar. Amarga pangkat ing kemiliteran paling dhuwur jenderal bintang papat, ora ana bintang lima mula banjur istilah jenderal besar mau. Kira-kira wae amarga ana ing alam ndonya ora ana pangkat bintang lima mau. Paling dhuwur jenderal bintang papat.

Ora mung iku, Pak Harto banjur dite­tepake uga dadi Bapak Pembangunan. Ya ana ing jaman Orde Baru iki Indonesia bisa swasembada beras. Ora impor maneh nanging malah bisa ekspor beras. Para kadang tani bisa ngrasakake pame­tune tetanen. Semono uga masyarakat bisa ngrasakake murah sandhang lan pa­ngan. Semono uga papan uga dadi pro­gram pemerintah kanthi anane omah subsidi kaya rumah sangat sedherhana (RSS). Aku dhewe uga banjur ngrasak­ake nduwe omah RSS mau.

Anane reformasi, banjur meksa ngu­dhunake Pak Harto saka kalungguhane Presiden. Emane bubar Pak Harto nya­takake mundur saka kalungguhane pre­siden negara dadi rame. Rakyat akeh kang dadi korban. Obong-obongan ana ngendi-endi. Mligine masyarakat Tiong­hoa akeh kang omah apa tokone diobong lan dijarah. Banjur muncul prastawa Sam­pit, terus banjur Banyuwangi, Ambon, Poso lsp. Prastawa mau ndadekake rasa kang ora bisa dilalekake dening bangsa Indonesia.

Alhamdulillah, prastawa-prastawa mau banjur bisa dilewati bangsa iki se­nadyan ninggalake cathetan sejarah kang kucem. Lha emane, sawise cathe­tan Sejarah kang kucem mau bisa dile­wa­ti lha kok kang banjur nyekel pangu­wasa ora amanah. Ya eksekutif, legislatif, lan uga yudikatif akeh kang ketangkep KPK amarga korupsi. Rakyat kuciwa, mula salah siji ekspresine banjur padha nulis ana bak truk kae gambar Pak Harto “Piye kabare, enak jamanku ta.”

Saiki wis ana Presiden pitu ana Indonesia. Wiwit pak Soekarno, Suharto, Habibie, Gus Dur, Megawati, SBY lan Jokowi. Nanging kok kaya-kaya ana ing Indonesia iki stok calon presiden winates banget. Ora mung Presiden, stok calon pimpinan daerah uga winates. Amarga apa? Salah siji ukurane, apa nduwe capital. Kamangka capital kang dibutuhake ora sethithik, apamaneh Presiden yen ora nduwe capital gedhe apa disokong dening pengusaha tangeh lamun bisa maju.

Ora nggumanake yen tansaya suwe tansaya sithik kang bisa maju. Sejatine apa ya sithik temenan calon presiden iku. Yen ukurane kemampuan pribadi dakkira ya akeh. Nanging yen ukurane capital ya sithik mau. Apa ya mung capital? Ya ora mung capital sejatine, nanging ra­sane yen ora nduwe capital lan sokongan saka wong akeh angel rasane. Ya akhire akeh kang banjur ngetung. Kang ngetung ora mung para pakar nanging uga ma­sya­rakat melu ngetung-etung. Akibate ya kabeh bisa rumangsa. Klebu kang arep maju, akeh kang banjur milih dadi ban serep alias dadi wakil.

Semono uga rikala pilpres 2019, kok ya ora ana kang wani nyalonake dadi Presiden. Sing wani nyalonake kaya-kaya ya mung Pak Jokowi lan Prabowo. Mula kang banjur dadi rebutan calon wakil presidene. Para maos uga wis pirsa, pira wae kang banjur nyalonake dadi cawa­pres dudu capres. Kaya sing dakngerteni ana ing baliho ana ngendi-endi. Ana baliho gedhe-gedhe mau padha ngan­dharake yen partaine nyalonake dadi wapres dudu presiden. Kang nyalonake cawapres kaya Ketua MPR lan ketua PAN Zulkifli Hasan, Ketua PKB Muhaimin Is­kandar, Ketua PPP Muhammad Roma­hurmuziy. Iku kang cetha masang baliho ana ngendi-endi. Durung kang banjur uga mlebu bursa kaya Mahfud MD, Sandiaga Uno, Salim ASegaf Al Jufri, lsp.

Ya mesthi wae calon presiden bakal milih cawapres ngendi kang paling ngun­tungake lan menehi kalodhangan bakale menang. Mesthi wae sejene capres dhe­we uga konsultan politik kang menehi saran marang capres sapa kang bakal dipilih dadi cawapres. Etungane kudu memet. Yen ora memet bisa kalah.   

(Ana candhake)

 

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik