Sawise Gemilang ing Asian Games 2018, Ngincer Prestasi ing Tokyo 2020
Diposting oleh : Administrator
Kategori: Anyar Katon - Dibaca: 41 kali

Pesta olahraga sa-Asia utawa Asian Games kang ka-18 resmi ditutup dina Minggu, 2 September 2018 kepungkur. Indonesia mi­nangka tuan rumah methik prestasi kang luar biasa yen dibandhingake karo asil ing Incheon patang taun dhisik.

Ing taun iki, Indonesia ngumpulake 31 emas, 24 perak, lan 43 perunggu sar­ta ngunci posisi ka papat. Sadurunge Asian Games digelar, pemerintah sate­mene mung pasang target minimal bisa nggondhol 16 emas minangka etung-etungan ngamanake peringkat sepuluh besar Asian Games 2018. Nanging, pun­dhi-pundhi emas iki ndadekake Indonesia ngliwati target mesisan ngukir rekor oleh-olehan medhali paling apik sasuwe­ne campuh ing Asian Games. Bisa diarani Asian Games 2018 iki dadi pathokan lan mawas sepira adohe Indonesia bisa ngu­kir prestasi ing babagan olahraga level Asia. Kanthi nglumpuke emas-emas mau Indonesia uga wis dadi pemimpin klasemen antar negara Asia Tenggara.

Tantangan sabanjure yakuwi Olim­piade 2020 Tokyo. Iki dudu ateges Indonesia nglalekake SEA Games 2019 Filipina, dudu. Nanging, fokus marang ajang kang luwih gedhe gengsine mes­thine ora salah ta?

Mula, yen mawas Olimpiade 2020 Tokyo, ana wolung emas saka 31 emas kang wis dipethik kena didadekake ban­dha kanggo maju mrono. Ya, wolung emas kang dimenangake mau dime­nang­ake saka cabang olahraga kang bakal ditandhingake ing Olimpiade Tokyo 2020 mengko. Luwihe, 23 medhali emas dimenangake saka nomer kang ora bakal ditandhingake ing Olimpiade 2020 apadene saka cabor non-Olim­piade.

Yen ndeleng oleh-olehan medhali ing Olimpiade Rio de Janeiro 2016, asil medhali emas wolu mau padha karo posisi 10 besar (Italia 8 medhali emas, 12 perak, lan 8 perunggu). Nanging ku­du dielingi, koleksi wolung emas Indonesia iki dipethik saka persaingan ing level Asia. Yen kudu saingan karo negara-ne­gara saka saindenging donya, mesthi akeh sing kudu ditingkatake.

Nanging, ora apa-apa, isih ana wektu nuju Olimpiade. Upaya ngumpulake poin/tiket Olimpiade isih mlaku, malah sawenenhing cabang olahraga durung diwiwiti.

 

Ora Kena Keli

Sawise pagelaran Asian Games ka-18, ana becike Indonesia ora terus-te­rusan keli jroning seneng-seneng (euphoria) kasuksesan methik prestasi, na­nging semangat anyar saka Asian Games 2018 malah kudu didadekake momentum kanggo ningkatake prestasi jroning ngadhepi Olimpiade Tokyo.

Taun ngarep, SEA Games 2019 ba­kal digelar ing Filipina lan ajang iki bisa dikandhakake minangka ajang uji coba sadurunge campuh ing panggung uta­ma Olimpiade Tokyo.

Ing Olimpiade Tokyo 2020 mengko, kemungkinan Indonesia bakal ngendel­ake pasangan gandha putra Kevin Sanjaya Sukamuljo/Marcus Fernaldi Gideon ing cabang bulu tangkis lan Eko Yuli Irawan ing cabang angkat besi kanggo methik emas. Emas kang dipe­thik Kevin/Marcus apadene Eko ing Asian Games 2018 mentas iki mujudake ban­dha kanggo ngadhepi Olimpiade Tokyo.

Kevin/Marcus sadurunge sempat gawe sumelange kalangan sutresna olah­raga merga kegagalane methik me­dhali ing Kejuaraan Dunia BWF 2018 ing Nanjing kang digelar rong minggu sa­durunge Asian Games 2018. Saduru­nge, sutresna bulutangkis uga digawe kaget kanthi kalahe Marcus/Kevin saka pasangan enom China, He Jiting/Tan Qiang, ing Malaysia Terbuka 2018.

Sauntara iku persiapane Eko jroning ngadhepi Asian Games 2018 uga ora mulus. Sadurunge dheweke ngadhepi ora jelase tandhing ing ing nomer 62 kg ing Asian Games. Ora kasile Eko nalika methik emas ing SEA Games 2017 uga dadi sorotan merga sadurunge dheweke tansah nyumbang emas sajege SEA Games 2007 Nakhon Ratchasima engga edisi 2015 ing Singgapur. Nanging ing Asian Games 2018 wingi, Eko nampik rasa sumelang mau kanthi total angka­tan 311 kg, jumlah angkatan kang kacek 1 kg dibandhingake penampilane Eko ing Olimpiade Rio (kanthi total angkatan 312 kg).

Tantangan satemene kanggone Eko yakuwi pembagian kelas anyar kang dicakake ing Olimpiade Tokyo. Diilangine kelas 56 kg lan owah-owahan watesan saka 62 kg menyang 61 kg mesthi wae bisa ngowahi peta persaingan angkat besi ing nomer kang bakal dieloni Eko Yuli Irawan mengko. Ana kemungkinan dadi atlet-atlet elite kang main ing kelas 56 kg bakal munggah kelas kanggo mbidhik medhali Olimpiade.

Dadi, penting banget kanggone Eko Yuli cs kanggo nguji kemampuan lan ndeleng persaingan ing pembagian kelas anyar kang wiwit dicakake Federasi Angkat Besi International (IWF) ing Kejuaraan Dunia Angkat Besi 2018 kang bakal digelar sasi November mengko ing Ashgabat, Turkmenistan. China lan Ka­zakhstan kang sadurunge kena sanksi larangan kompetisi suwene setaun iki lan kudu ngliwatake Asian Games 2018 uga bakal bali ing Kejuaraan Dunia Angkat Besi 2018.

Sukses terus olahraga Indonesia!

(d/sit)***

 

Berita Terkait

img

Samak Minggu Ini

img

img

Sumber Semangat

Aja gumedhe mung merga ayu-ne rupa, amarga kuwi bakal luntur dening wektu. Nanging elinga, ayune kridha ora bakal luntur senajan digawa mati pisan...

Klik

NGANTUK

Ora kober ndlosor, semendhe ing tembok uga ora apa-apa. Mangkono mbokmenawa ujare si meong iki. (d/sit)***

Pethilan

Trilyunan rupiah dhuwit negara mili menyang desa

Koruptore aja nganti katut keli

Lumantar gerakan #2019Pilpres Ceria, Mahfud MD ngajak publik milih kanthi cerdas

Amarga kecerdasan kita wis saya ilang akibat memusuhan

Golkar ngukuhi caleg mantan koruptor

Ngajab para pemilihe padha pikun!