Medali Emas
Diposting oleh : Administrator
Kategori: Surabayan - Dibaca: 57 kali

“Awak dhewe kudu ngekeki apreasi dhuk atlit Indonesia sing tandhing dhuk Asian Games merga dhuk event akbar wingi isok ngrebut sampek 31 medali emas, niku termasuk rekor merga sagurunge paling akeh ndhuk event niku muk 12 medali emas, nah niki tak kira isok gae pancadan gae luwih maju ndhuk taun-taun sing bakale teka, tak kira nek sing jenenge olah raga niku latihane temen, ya bisa menang, ojok muk terserah barek masyrakat kate latihan kono tah gak latihan ya kono engkuk nek pas onok event lagi diseleksi, sapa sing diajokna, nah nek modhel koyok ngono ya gak katene entuk medali, mergane latihane gak temenanan. Sing arane latihan temenan niku atlit satus persen ya konsentrasi ndhuk olah raga niku, pegaweyan liyane sementara diculna, nah ngene niki pemerintah kudu melok cawe-cawe, nek pemerintah gak gelem cucul ragad, ya gak katene olah raga niku bisa maju, koyok bulu tangkis upamane onok sing serius biayaai makane sing arane bibit bulu tangkis terus muncul, marine wis muncul terus dibina sing temen sampek isik maju,” kandhane Ning Sumeh ndhuk bala-balane.

 “Encene iya ning pembibinan atlit niku nek isok kit cilik, nek kira-kira bocah niku pawakane isok dibina dadi atlit peng pengan kit cilik niku kudu wis dilatih terus, ojok ngenteni teleke bibit altit nek wis gedhe, telat pembinaane. Lha, sing modhel ngene niki gurung ditindakna nduk Indonesia,” sambunge Cak Bedja.

Cak Ari nambahi, “Pancene sing arane pembinaan niku gak muk pemerintah tapi ya kabeh masyarakat, keluarga, lingkungan barek sekolahan. Misal ndhuk sekolah onok arek sing pinter voly, ya dilatih voly terus, dilatih khusus, ojok muk dijarna latihan dhewe sing gak jelas engkuk nek latihan dhewe niku targete apa.”

“Sing penting maneh lomba-lomba niku ya kudu gelek dianakna, tah niku tingkat RW, tingkat kelurahan, kecamatan sampai tingkat kabupaten tah tingkat provinsi. Nek gelek onok lomba lomba niku mesthi nambahi semangat atlit gae latihan sing serius, lha latihan serius gae telek prestasi niku kudu onok sing ngarahna, lha ndhuk kene niki tekane pemerintah ndhuk lingkungan kono dibutuhna, gae ngasah ketrampilane atlit-atlit mau. Koyok sing gampang ae lomba lari, merga ndhuk Indonesia gak umum ya arang entuk juara, padhahal niku olah raga sing murah barek sapa ae isok nindakna. Merga gak onok grengsenge ndhuk masyarakat makane ya gak isok maju. Upama gelek ana lomba lari, bari masyarakat grengseng,” tambahe paklik Dur.

(Sing seneng olah raga: Cak Ali, Cak Bedja, Pak Lik Dur barek Ning Sumeh)

 

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor