Asian Para Games Bakal Ora Kalah Manjila saka Asian Games
Diposting oleh : Administrator
Kategori: Olahraga - Dibaca: 48 kali

Indonesia bakal bali dadi tuan rumah pesta olahraga Asia sawise sukses nggelar Asian Games 2018.

Gelaran olahraga sabanjure yakuwi Asian Para Games.

Direktur Divisi Sport Inapgoc (Panitia Penyelenggara Asian Para Games 2018), Fanny Riawan, mesthekake yen cabang-cabang olahraga ing Asian Para Games 2018 uga bakal nyuguhake pertandingan-pertandingan seru.

“Asian Para Games 2018 ora bakal kalah seru karo Asian Games 2018,” ujare Fanny Riawan nalikaMedia Gathering Asian Para Games 2018 ing Solo, Selasa kepungkur (4/9/2018).

“Asian Para Games uga dudu saderma tandhing merga ana kualifikasi lan klasifikasi selaras karo tingkat disabilitas para atlet” tuture Fanny.

“Anggota Komite Paralimpiade Asia ana 43 negara, nanging lagi 41 negara kang aweh konfirmasi. Kita bakal nyoba amrih Yaman lan Palestina bisa melu” imbuhe Fanny.

Yen Palestina lan Yaman melu, mula Asian Para Games 2018 baal dadi Asian Para Games pisanan kang dieloni kabeh anggota komite ksb. Iki mujudake gelaran Asian Para Games katelu. Sadurunge, pesta olahraga difabel sa-Asia iki digelar nalika taun 2010 lan 2014.

 

Kontingen Indonesia Nyoba Finis Lima Besar

Sauntara kuwiKementerian Pemuda lan Olahraga (Kemenpora) pasang targetIndonesia bisa ngenggoni peringkat lima besar ing gelaran Asian Para Games 2018 iki.

“Satemene, Pak Jokowi (Presiden Indonesia), Indonesia bisa mlebu peringkat tujuh besar. Nanging kita nganggep, yen bisa Indonesia ora mung mlebu tujuh besar, nanging lima besar” ujare Sekretaris Kemenpora Gatot S Dewa Broto ing Jakarta.

Manut Gatot, peningkatan target mau ndeleng saka gelaran Asian Para Games ing Incheon, Korea Selatan nalika taun 2014. Nalika kuwi, Indonesia bisa ngenggoni peringkat sanga.

“Sing jelas, kita wis duwe estimasi lan strategi dhewe. Iki pancen bagian saka sport intelligence kita. Padha karo nalika ing Asian Games wingi, kita uga wis duwe petungan dhewe” ujare Gatot.

Luwih akeh, Gatot njlentrehake yen petungan lan strategi sing dikarepake iku, yakuw dumadi saka cabang-cabang olahraga apa wae kang bakal diunggulake dening Indonesia ing ajang Asian Para Games 2018.

“Ana sawenehing cabang olahraga kang diunggulake ing Asian Para Games 2018. Nanging, saiki kita keep (simpen) dhisik, merga isih sewulan manehto. Mengko, kira-kira rong minggu sadurunge digelar nembe bisa kita jlentrehake” kandhane Gatot.

Asian Para Games bakal dianakake wiwit tanggal 6 nganti 13 Oktober 2018 lan dieloni dening 41 negara National Para Olimpic kanthi total atlet 2.800, official 1.800 sarta 500 media, apa kuwi saka njero utawa luar negeri.

Ana 18 cabang olahraga kang bakal ditandhingake ing Asian Para Games 2018 iki, ing antarane yakuwi bola basket, bola voli, anggar, tenis meja, renang, nembak, judho, balap sepedhah, catur, angkat beban, bowling, bola gawang, badminton, lari, panahan, boccia, bola tangan lan tenes.

(d/ist)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik