Pengiriman Pil Koplo 7,8 yuta Kasil Digagalake
Diposting oleh : Administrator
Kategori: Yak Opo Kabare - Dibaca: 65 kali

Pengaji Rp 15 miliyar, bandare durung ketangkep. Emane sing ketangkep mung kurir-e.

Reserse Narkoba Polres­tabes Surabaya antuk tangke­pan gedhe. Pihake kasil ngga­galake pengiriman 7,8 yuta pil koplo. Ing antarane, Zenith Car­nophen lan merek liyane pe­ngaji Rp 15 miliyar. Emane, sing ketangkep wong loro minangka kurir (kongkonan). Bandare dhe­we isih diburu.

Kurir loro sing ditangkep yaiku M Noor alias Ahmad lan Abdul Aziz. Lelorone ditangkep ing Banjarmasin. “Pasar pil-pil kaya ngene iki pancen akeh su­mebar ing njaban Pulo Jawa. Pa­sare ing kono,” kandhane sa­wijining petugas sing ngurusi perkara iki. Saka penggrebe­gan-penggrebegan sadurunge, akeh-akehe pil kasebut dikon­sumsi para supir. Sebab, akibate meh memper karo sabu-sabu.

Kapolrestabes Surabaya Kombespol Rudi Setiawan mra­telakake, proses pengemba­ngan kasus kasebut mbutuhake wektu telung minggu. Petugas kasil nangkep kurir sing ngen­dhaleni ubenge pil narkoba sing regane murah iku. “Penyelidhi­kan kawiwiti nalika 1 Agustus,” ujare Rudi.

Kawiyake kasus iku diwiwiti dening unit resmob. Ana katra­ngan kang nyebutake anane sakehing kardhus sing nyujanani ing sawijining kantor ekspidisi ing Jalan Simokerto. Anggota ge­gancangan nitipriksa. Pranya­ta kardhus telu iku isine pil Car­nophen.

Pulisi banjur mrika karyawan telu bageyan ekspidisi kasebut. Sebab, dheweke kabeh iki sing weruh lakune barang kang di­kirim liwat ekspidisine. Tamtu wae, dheweke minangka saksi. Sawise nganakake papriksan ja­ringan awal, kasus iku di­pasrah­ake marang satresnarkoba. Pe­tugas gegancangan mburu pe­laku. Budhal menyang Kaliman­tan Selatan. Pil Carnophen kehe 150 ewu iku duweke ban­dar Banjarmasin. Petugas ban­jur nangkep M Noor alias Ah­mad. Sawise ditarap, pranyta Noor didadekake kurir dening wong liya. Sing ngendhaleni kuwi Abdul Aziz. Dheweke kasil ditangkep ing Hotel D’Saint, Jalan Ahmad Yani, Banjarmasin. “Langsung digawa menyang Surabaya,” kandhane Kasatres­koba Polrestabes Surabaya AKBP Roni Faisal Saiful Faton.

Adhedhasar asil papriksan, ana puluhan kardhus sing arep dikirim menyang Banjarmasin. Nalikaiku, barang karam ka­sebut nembe teka saka Sura­baya liwat kereta api. Para ban­dar asal Jakarta milir jalur kereta api jalaran ‘nggampangake’ pe­ngiriman barang. Gunggunge nalika iku ana 50 kardhus isi pil Carnophen. Barang kasebut di­temokake petugas ing gu­dhang PT Angkunas, PT Kalog, lam CV Samudra Perkasa Trans. Penggeledhahan terus ditin­dakake engga satresnarkoba kasil ngumpulake 242 kardhus isi pil Carnophen lan pil koplo liyane.

Saka kabeh temonan iku, Noor lan Aziz mung ngakoni ndu­weni 41 kardhus. Kanggo sing liyane, dheweke kandha ora weruh. Saka 41 kardhus iku, petugas nemokake pil Carno­phen kehe 1,4 yuta iji. “Yen beredar ing Jatim, bisa nggak karuan iki,” ujare Kombespol Rudi.

Karyawa ekspidisi CV Samu­dra Perkasa Trans telu sing dipriksa, pungkasane dilepas. Dheweke ditamani wajib lapur. Alesane, Samsul, Muri, lan Frida dianggep ora weruh. Dheweke mung nyambutgawe adhedha­sar aturan. “Barang ditanpa lan dikirim tanpa ditaliti utawa dibukak,” jletrehe Roni. Pulisi klawan melathi loro ing pun­dhak iku nelakake ucapan ma­tur nuwun marang opehak eks­pidisi sing gelem jujur. Dhewek dianggep bisa diajak kerja ba­reng. Klawan mangkono, jari­ngan gedhe kasebut bisa ka­wiyak.

Nanging, ing telung minggu penyelidhikan iku, pulisi durung kasil nangkep bandare. Pe­ngem­bangan penyelidhikan me­nyang Jakarta durung ana asile. Sawijining sumber piner­caya nerangake yen pabrik pil koplo iku ana ing wewengkon Jabodetabek. (Bsh)

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor