Mulih Kaji-an
Diposting oleh : Administrator
Kategori: Surabayan - Dibaca: 130 kali

“Akhir Agustus wingi dulur sing padha munggah kaji wis wiwit mulih muga- muga sing padha munggah kaji bisaa keturutan sing dadi tujuane, haji mabrur. Budhal kaji duduk muk sakadar prosesi lahiriah formal thok ae, tapine niku momen revolusi lair barek  batin gae nyandhak kesejatian diri minangka menungsa. Utawane wong sing nindakna kaji kudu dadi menungsa sing luwih lurus uripe dibandhing sadurunge. Nek gak, niku artine lunga kaji muk koyok wisatawan sing liburan ndhuk tanah suci ndhuk musim kajian, gak lebih.  Tandha-tandha kemabruran kaji niku nek wong niku isok mbentuk kepribadiane dadi luwih bagus sawise nindakna kaji dibandhing barek sadurunge, terusan  wis gak nindakna maksiat.  Apa sing ditindakna ndhuk kana pas kajian, kudu isok direalisasekna, ditindakna ndhuk kene ndhuk urip sedina dina. Kayata wani kurban gae nindakna prentahe Gusti Allah wani kurban gae kabecikan, kaya nalika korban barek tahalul ndhuk ibadah haji,” omonge Ning Sumeh ndhuk bala-balane.

“Bener niku ning wong sing mari budhal kaji niku molene kudu berubah. Gampangane kudu beda barek sagurunge budhal, poke malih dadi wong apik, gelem nulung barek tangga tangga sing kurang mampu gelem mbantu tangga tanggane sing perlu bantuan, ojok mung mbidheg pura-pura gak eruh, apa maneh ojok malah dadi kaji tomat. Budhale tobat mulene kumat,” sambunge Cak Bedja.

Cak Ari nambahi “Pokoke kaji niku kudu ndhisikna  panggilan Allah lan gak nyampur barek niat tujuan liyane minangka realisasi saka Talbiyah. Terus intropeksi minangka  perwujudan makna   Wukuf ndhuk  Arafah. Terus niki ya penting ya niku njaga kelestarian alam barek ngindhari kabeh aktivitas sing ngrusak lingkungan hidup minangka realisasi larangan mbebedhak, motong wit lan aja sampek nglarani wong liya sasuwene haji. Barek mesthine ibadahe ya tambah mempeng. Gelem ngramekna mesjid.”

“Iya encene dulur, nek molih kaji kok gak tambah apik, ya eman. Percumah lunga kajine. Hikmahe wong lunga kaji niku akeh nemen, apa niku kaya kang disebut ndhuk Al Quran tah kudu diteleki dhewe barek sing lunga kaji niku. Pengalaman spiritual saben wong ndhuk kana beda-beda, encene diarep arep sing padha mulih kaji entuk pencerahan dhuk kana, terus direfliksa ndhuk tengah masyarakat barek amal sholeh  terus karya nyata,” tambahe  paklik Dur.

(Sing tansah ngupaya dadi wong apik: Cak Ali, Cak Bedja, Pak Lik Dur barek Ning Sumeh)

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor