Indonesia pancen Gudhange Pendhekar Silat
Diposting oleh : Administrator
Kategori: Olahraga - Dibaca: 97 kali

Kanthi 14 medhali emas kang wis kecekel tangan, Indonesia kang minangka tuan rumah pancen ora luput yen diarani gudhange pendhekar silat.

Pesilat putri asal Ciamis, Wewey Wita wusanane nutup oleh-olehan emas tim Indonesia ing cabor pencak silat ing ajang Asian games 2018. Wewey kasil ngalahake pe­silat Vietnam, Thi Them Ram kanthi skor telak 5 - 0 kang digelar ing Padhepokan Pencak Silat Taman Mini Indonesia Indah (TMII), rebo kepungkur (29/8/2018).

Kemenangan Wewey iki ndadekake Indonesia dadi jua­ra umum ing cabang pencak silat Asian Games 2018. Saka 16 nomer kang ditandhingake, 14 medhali emas ing anta­rane kasil dimenangkake atlet asal Indonesia. Wolung emas pertama kasil dimenangake nalika Indonesia sapu bersih ing babak final hari pertama Senin kepungkur (27/8).

Dene ing dina sabanjure nyumbang nem emas tam­bahan. Emas loro kang ucul saka Indonesia ana ing nomer tarung pria kelas J lan F. Indonesia mung sukses oleh me­dhali perunggu siji.

Pertandingan final dina iku nyedhot animo penonton. Meh ora ana bangku kosong ing tribun Padepokan Pencak Silat TMII. Malah, babak pamungkas cabor pencak silat dina iku uga ditekani para elit politisi. Katon, saliyane ana Ketua Gerindra Prabowo Subianto kang uga ketua umum IPSI (Ikatan Pencak Silat Indonesia), ana uga Ketua umum PDI-Perjuangan Megawati Soekarno Putri bebarengan Sekjen-e Hasto Kristiyanto. Mega teka kanggo ngancani putrine Puan Maharani kang dadi Menteri Koordinator Bidang Pemba­ngunan Manusia lan Kebudayaan. Ora suwe sabanjure rawuh Presiden Joko Widodo lan Wakil Presiden Jusuf Kalla.

 

Ndadekake Presiden lan Prabowo rerangkulan

Ing final iku, pesilat Indonesia Ha­nifan Yudani Kusumah sukses ngrebut medhali emas ka-29 kanggo Indonesia ing Asian Games 2018.

Nanging, ana sawijining bab kang ndadekake trenyuh suwasana, yakuwi nalikane pesilat asal Jawa Barat iku man­faatke momen kasuksesan mau kanggo nggathukake Indonesia lu­mantar rerang­kulan antarane Presi­den Joko Widodo lan Prabowo Subianto.

Kemenangan Hanifan pancen di­sek­seni langsung dening Presiden Joko Wido­do kang lenggah jejer Ketua Umum Ikatan Pencak Silat Indonesia (IPSI), Prabowo Subianto. Iki dadi momen kang luar biasa kanggone sang atlet. Pesilat umur 20 taun iku kanthi spontanitas nyiptakake kedadeyan kang sabanjure dadi viral ing Indonesia.

Momen mau yakuwi nalika Hanifan duwe inisiatif kanggo ngajak Presiden Jokowi lan Prabowo Subianto rerangkulan bareng. Momen iki sakala banjur dikeploki rame dening para pendukung Indonesia kang ngebaki Padhepokan Pencak Silat. Ora suwe momen kang diciptakake dening Hanifan iku uga dadi rame ing media sosial. Kabeh wong padha nga­­lembana momen ksb minangka sawijining wujud per­satuan Indonesia, ngelingi akeh debat kusir ing masyarakat Indonesia keri-keri iki, utamane merga kekarone negarawan iku bakal padha maju ing Pemilihan Presiden 2019.

Hanifan uga ngundang pangalembana ing linimasa media sosial. Akeh kang ngandhakake dheweke minangka pah­lawan kang ora mung oleh medhali emas Asian Games 2018, nanging uga oleh emas persatuan Indonesia.

Hanifan ngaku apa kang ditindakake mau sawijining spontanitas merga nresnani kekarone tokoh negara ksb. Malah nalika mangerteni kekarone tokoh mau padha rawuh ing arena pencak silat, atlet umur 20 taun iku janji marang awake dhewe supaya ora kalah nalika tandhing.

“Tumindakku iku mau spontan wae. Aku rumangsa kita kabeh kudu njunjung sportivitas, aja nganti ana kang pecah. Jokowi lan Prabowo padha-padha wong kang hebat,” tandhese peraih emas Asian Games 2018 ksb. (d)

 

Berita Terkait

img

Samak Minggu Ini

img

img

Sumber Semangat

Akeh-akehe wong nyenengi kaum kang lemah, nanging ngetutake kaum kang kuwat. Tetepa mbela wong-wong kang lemah apa wae kahanane.

Klik

KUDHA NIL ING DHARATAN

Patung unik lan lucu iki mesthi wae digawe dening arsitektur seni profesional. Patung-patung iki digawe kanggo narik kawi gatene wong akeh. Patung-patung iki digawe saunik-unike amrih nduweni daya tarik sekaligus aweh kesan ikonik sawijining kutha. (d/ist)***

Pethilan

Wutuhing bangsa aja dikurbanake jroning masa kampanye

Eling lo, pemilu limang taun pisan mesthi bali maneh

BBM ora kena pengaruh mundhake rega lenga

Kena pengaruhe sik dienteni, ngen­teni coblosan

KPU ngajab ora milih caleg tilas koruptor

Muga-muga caleg liyane dudu calon koruptor