Ujian SIM NganggoTeknologi Sensor Digital
Diposting oleh : Administrator
Kategori: Yak Opo Kabare - Dibaca: 43 kali

Luwih cetha. Sing golek SIM bisa ndeleng skor.



Saiki, masyarakat saya digampangake nalikane ngu­rus Surat Izin Mengemudi (SIM) ing Satuan Penyeleng­gara Administrasi (Satpas) Colombo Satuan Lalu Lintas (Sat Lantas) Polrestabes Su­rabaya.

Sebab, pemohon SIM bisa manfaatake inovasi gres ujian praktek SIM berbasis tekno­logi digital sensor pendeteksi gerakan saka Satpas Colombo.

Piranti digital arupa sensor digital iku dipasang ing pu­cuking traffic cone  sing ditata ing sauruting lintasan ujian praktek SIM C.

Ujian praktek SIM berba­sis teknologi digital iki bakal enggal dicakake kanggo pe­mohon SIM, sawise diresmek­ake Kapolrestabes Surabaya, Kombes Pol Rudi Setiawan lan Kasatlantas, AKBP Eva Guba Pandia, pungkasan minggu kepungkur.

Hadi (40), warga ngeng­gon ngandhakake, oleh wae kapolisen masang teknologi digital ing ujian praktek SIM, sauger tujuwane murni kang­go ningkatake mutune pela­yanan masyarakat anggone golek SIM.

“Dakkira iki luwih gam­pang jalaran nalika ujian prak­tek SIM kita luwih ngati-ati supaya digital sensor ora muni. Tamtune iki dadi ujian praktek SIM luwih fair,” ujare Hadi mentas iki.

Dheweke ngerti pange­cake sensor digital ing ujian praktek SIM iki nalika ana ing Satpas Colombo Surabaya.

Diawat-awati CCTV

Ing pangecake luwih tran­sparan, jalaran pemohon SIM bisa weruh skor ujian praktek SIM sing katon ing layar monitor.

Apamaneh, kandhane Ha­di, ujian praktek SIM luwih aman tansah diawat-awati de­ning kamera Closed Circuit Television (CCTV) kanggo nga­wat-awati ing panggonan minangka antisipasi nyegah potensi tindakan curang saka punguji SIM.

“Wis samesthine layanan iki dicakake minangka wujud tuntutan jaman,” jlentrehe.

Cahyo (25), warga Suko­manunggal Surabaya nampa kanthi becik anane ujian SIM nganggo teknologi digital sensor kanggo nggampangake pe­mohon SIM.

“Saweruhku, pangecake ujian praktek SIM iki nembe sepisan dhewe ana ing Sura­baya,” kandhane.

Dheweke ngajap, supaya permohonan SIM luwih di­gampangake kanggo ngoleh­ake SIM ing sekabehing Sat­pas Surabaya. Apamaneh ditindakake kanthi becik, mula pemohon SIM biasa lulus ujian. Saengga, ora nganti ana dalan liya kang bisa nerak hukum kanggo ngolehake SIM.

“Kawit mbiyen tes SIM rak angel ya, nanging yen ditin­dakake kanthi tumemen mes­thi lulus,” ujare Cahyo.

 

Wiwitan ing Indonesia

Kapolrestabes Surabaya Kombes Pol Rudi Setiawan da­lah Kasatlantas AKBP Eva Guna Pandia, nganakake laun­ching ujian praktek SIM berbasis teknologi digital sensor ing Satpas Colombo, ming­gu kepungkur.

Ujian SIM sing manfa­atake kecanggihan teknologi iki, manut Rudi mujudake Program aplikasi Polisi Promoter (Profesional, Modern lan bisa dipercaya). Pehake netepake yen inovasi pangecakane ujian praktek SIM digital sensor kanggo sing golek SIM iki mujudake kang wiwitan dhe­weke ing Indonesia.

“Pulisi modern ing jaman digital, ya sing bisa manfa­atake teknologi zaman now,” ujare.

Kasatlantas AKBP Eva Guna Pandia ngajap inovasi ujian praktek SIM sensor digital iki bisa migunani kanggo nggampangake masyarakat anggone golek SIM.

__(Bsh)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik