Godhong Melathi Ampuh Kanggo Ngusadani Lara Belek
Diposting oleh : Administrator
Kategori: Anyar Katon - Dibaca: 131 kali

Melathi (Jasminum Sambac, Ait.) kalebu tanduran kang akeh manfaate. Kembange putih, cilik methikil nanging gandane ngam­bar arum. Kurang luwih ana 200 spesies kang kalebu familia Oleranceae sume-bar ing ngendi-endi. Tanduran kang asale saka Eurasia, Australasia an Oceania iki bisa thukul subur ing lemah kang gembur nganti 600-800 apl sauger cukup oleh sunare Srengenge.

Ing negara Inggris ditandur kawitan jenis mlathi putih kang karan Jasmine Sambac taun 1665. Ing Italia nembe taun 1692 ditemokake melathi cassablanca kang tembe mburine kondhang kanthi jeneng Spanish Jasmine. Ing India Barat Taun 1991 ditemokake melathi jinis Jasmine Parlaris kang tembe mburine taun 1923 wiwit ditandur ing Inggris.

Ing negara-negara kasebut melathi dibudi-dayakake kanggo nyukupi kabutuhan industri parfum sarira lan pengharum ruangan.

 

Akeh Pigunane

Ing bumi Nuswantara ana kang nyebut melathi kanthi aran Malate (Madura), Malati (Sunda), Menuh (Bali), Riwit (Aceh) lan Melur ing karang padesan.

Malah ana kang nyebut manawa melathi putih kang ndarbeni ateges kesucian dalah kemurnian mujudake “puspa bangsa”. Ing sadhengah upacara pengantin apadene peresmian gedhung (pengguntingan pita) ora lali reroncen kembang melathi ora kari. Saliyane iku kembang melathi uga mujudake kembang sawur lan aroma ing pabrik teh kanthi prodhuke kang khas. Saka andharan ing ndhuwur, pranyata melathi uga nduweni khasiat kang warna-warna. Kayata, lara mata (belek), abuh dientup kewan, mriyang, lara sirah, sesak napas lan bisa ngendheg metune ASI kang kaliwat wates.

Kagem kang lara abuh karana dientup kewan (tawon utawa klabang). Mundhuta kembang mlathi 1 gegem lan terus didheplok nganti alus. Nuli bisa ditempelake ana pe-rangan kang abuh lan banjur diperban, kanggo kang gerah mripat (belekan) goleka godhong melathi watara sak ge-gem, kunir sakuler, didheplok nganti alus. Yen uwis bobok-an kasebut bisa kanggo pilisan esuk lan sore sakwise adus.

Kagem kang lagi sesak napas, mundhuta watara 20-25 lembar godhong melati, uyah 2-3 sendhok teh. Godhong melathi lan uyah nuli godhong nganggo banyu 3 gelas. Sakwise umob lan kari 2 gelas nuli disaring. Jladren (ampas) kasebut nuli ditempelake ing perangan dhaha, esuk lan sore sakwise siram.

Kagem ibu-ibu kang metune ASI tanpa winates (kaluwih-luwih) mundhuta godhong melathi 1 gegem sakwise dipipis (didheplok) nuli ditempelake ing pener dhuwur payudara (kaya pilis) diagem esuk lan sore. Sesuke bisa nracik maneh kanthi ukuran kang padha. Miturut ibu-ibu ing padesan watara 4-5 dina metune ASI wis normal. Mugi-mugi tulisan iki bisa migunani. (FX. Suyatno)

 

Berita Terkait

img

Samak Minggu Ini

img

img

Sumber Semangat

Apa gunane kasuksesan yen bab kuwi ora mupangati tumrap kita, keluarga lan wong liya.

Klik

Omah Teko

Kaya apa omah impenmu? Apa sing gaya Eropa kanthi maneka saka ing njerone? Utawa pengin sing gaya minimalis nanging tetep nyaman? Kanthi ndeleng maneka inspirasi ing majalah utawa internet, para maos bisa nggathukake maneka desain saengga muncul gaya omah kang unik lan beda saka sing liyane. Salah sijine yakuwi kaya omah kang modhel teko iki? Mbokmenawa kanthi model teko iki para maos bisa nemokake ‘kehangatan’ ing njerone. (d/ist)***

Pethilan

Korupsi proyek mesjid, bupati Solok Kidul resmi ‘tersangka’

Koruptor Indonesia pancen kendel mesisan keblinger!

Prioritas masyarakat jroning blanja ritel nggeser

Dhuwite dicelengi nggo mudhik

Wong cacah 5 kang dinuga teroris dirangket ing Bekasi

Aja lena…