Atlet Nembak Cucul Dhuwit Dhewe Kanggo Indonesia ing Asian Games 2018
Diposting oleh : Administrator
Kategori: Anyar Katon - Dibaca: 133 kali

Perjuangan atlet nembak saka kontingen Indonesia yakuwi Maharani Ardi kanggo bisa mudhun ing Asian Games 2018 pranyata ora bisa diarani gampang.

Maharani Ardi kang mudhun ing nomer 3 position 50M putri ing ajang Asian Games 2018 ngaku nindakake saka­behe kanggo bisa mudhun ing ajang multievent iku.

“Iki ajang 4 taun pisan lan saiki Indonesia tuan rumah, durung tentu 50 taun maneh kita dipilih maneh,” ujare Maharani.

“Dadi demi Merah Putih apa wae tak lakoni” tandhese.

Klebu ing antarane cucul dhuwite dhewe kang­go persiapan engga wusanane bisa mlebu wisma atlet Jakabaring Sport City.

“Klebu (kanggo) tuku peluru nalika pertan­dhingan iki, kabeh kudu tak siapake dhewe,” tuture Maharani.

“Wingi kuwi sakjane biaya ing wisma atlet uga kudu ditanggung pribadi, nanging wusanane ana bantuan lan dibebasake,” imbuhe.

Nanging atlet nembak kang akrab disapa Rani iku ora gelem nyebutake kanthi detail pira jumlah dhu­wit kang wis ditokake kanggo ambyur ing Asian Games 2018 ksb.

 

Pegulat Indonesia Ora Bisa Bangga

Sauntara kuwi pegulat-pegulat Tanah Air cacah telu padha ora bisa bangga ing ajang rebutan medhali cabang gulat kang dianakake ing Assembly Hall, Rebo kepungkur (22/8/2018).

Andika Sulaeman kang mudhun ing nomer 77 kilogram gaya greco-roman putra ora sanggup mlangkah luwih adoh saka babak 16 besar. Kanthi nglawan pegulat asal Uzbe­kistan, Bilan Nagiev, Andika langsung kalah jroning dhuel sak periode. Bantingan kang ditindakake Nagiev ndadekake dheweke methik total 9 poin teknikal.

Ashar Ramadhani kang mudhun ing babak perempat final kelas 97 kg gaya greco-roman uga kalah telak lawan Ali Akbar Heidari (Iran).

Ashar kalah 0-5 ing periode pertama lan 0-3 ing periode kapindho poin teknikal. Ora lidok, Ali Akbar menang kanthi skor akhir 8-0 ing poin teknikal.

Wakil Abang Putih liyane, Papang Ramadhani, uga nyungsep ing babak perempat final nomer 130 kg gaya greco-roman lawan Nurmakhan Tinaliyev (Kazakhstan).

Papang ora sanggup nglawan lan langsung kalah ing periode pertama kanthi 0-8 poin teknikal.

Kekalahane katelune pegulat Tanah Air iku mesthi wae nyiyutake pangarep-arepe Indonesia jroning nambah medhali Asian Games.

Sawise kekalahan katelune, ora ana maneh wakil Tanah Air ing cabang gulat kang isih nduweni kalodhangan menangi medhali. (d/ist)

Berita Terkait

img

Samak Minggu Ini

img

img

Sumber Semangat

Apa gunane kasuksesan yen bab kuwi ora mupangati tumrap kita, keluarga lan wong liya.

Klik

Omah Teko

Kaya apa omah impenmu? Apa sing gaya Eropa kanthi maneka saka ing njerone? Utawa pengin sing gaya minimalis nanging tetep nyaman? Kanthi ndeleng maneka inspirasi ing majalah utawa internet, para maos bisa nggathukake maneka desain saengga muncul gaya omah kang unik lan beda saka sing liyane. Salah sijine yakuwi kaya omah kang modhel teko iki? Mbokmenawa kanthi model teko iki para maos bisa nemokake ‘kehangatan’ ing njerone. (d/ist)***

Pethilan

Korupsi proyek mesjid, bupati Solok Kidul resmi ‘tersangka’

Koruptor Indonesia pancen kendel mesisan keblinger!

Prioritas masyarakat jroning blanja ritel nggeser

Dhuwite dicelengi nggo mudhik

Wong cacah 5 kang dinuga teroris dirangket ing Bekasi

Aja lena…