Cio, Siswa SD kanthi Prestasi Sagudhang
Diposting oleh : Administrator
Kategori: Tetepungan Remaja - Dibaca: 306 kali

Kecil-kecil Cabe Rawit” Mangkono unine paribasan basa Indonesia. Sajake paribasan iki pancen cocog kanggo nggambarake Akio Tanaya Brillianta Wibisono. Siswa kelas 1 SD Al-Kautsar kutha Pasuruan iki nduweni sahohah prestasi, apa kuwi ing tingkat lokal apadene nasional.

Nalika ditemoni ing omahe kang mapan ing Desa Parasrejo, Kecamatan Pohjentrek, Kabupaten Pasuruan, katon sawenehing piala lan trofi dipajang jejer-jejer ing ndhuwur meja kang ana ing kamare bocah umur 8 taun iki.

“Piala lan trofi iki mujudake asil prestasi Cio (julukan akrabe Akio Tanaya Brillianta Wibisono),” ujare Ibune Cio, Aniastika Ira Kusumawati.

Wanita kang rupane ayu lan menganggo jilbab iki banjur nyritakake yen sawenehing minggu kepungkur utawa persise Januari 2018, Cio kasil nyabet patang juara jroning sawijining ajang lomba.

“Nalika iku Cio melu ajang Prestasi Anak Negeri II Jawa-Bali. Dheweke nyabet patang gelar juara pisan. Yakuwi, juara 1 Olimpiade Bahasa Inggris, juara 1 Olimpiade Sains, juara 3 Olimpiade Matematika, lan juara harapan 1 Olimpiade Mewarnai,” ujare Aniastika sinambi mesem.

Saliyane iku, wanita kang dhines ing Puskesmas Pohjentrek iki uga nambahake, prestasi kang padha uga tau disabet Cio, yakuwi nalika tanggal 15 Oktober 2017,  Cio kasil mlebu Nominasi Bintang Pelajar Indonesia Nasional.

“Alhamdulillah, nalika iku Cio oleh juara 1 Olimpiade Mate-matika, lan juara harapan 1 Olim-piade Puzzle,” imbuhe.

Senajan dinane iki akeh prestasi kang wis ditampa, nanging penampilane putri ragil saka pasangan Aniastika Ira Kusumawati (37) lan Arif Wibisono (47) iki pranyata tetep apa anane. Prasaja, sarta gelem dolanan lan sinau bebarengan kanca-kancane. Mula ora nggumunake yen kabeh kancane lan uga guru-gurune padha seneng karo sifate Cio kang periang iku.

Sauntara iku, Kepala SD Al-Kautsar Suyatno, S.Pd ngaku mongkog karo prestasi kang wis kasil diukir dening muride iki. Manut pak Yatno, Cio nduweni multitalenta lan prestasi kang cukup mongkogake kanggo bocah saumurane.

“Muga-muga pretasine Cio saya mundhak ing tataran nasional apadene internasional. Kita saka pehak sekolahan bakal tansah madhahi murid kang duwe bakat kaya ngene iki lumantar pendampingan. Lan kita ngucapake panuwun marang para wali murid kang sasuwene iki wis nyengkuyung sekolahan. Kerjasama kaya ngene iki mujudake sinergi kang apik. Muga-muga nganti kapan wae bakal ana terus,” panutupe Kasek Al-Kautsar Suyatno, S.Pd. (d/ist).

Berita Terkait

img

Samak Minggu Ini

img

img

Sumber Semangat

Pawongan kang MITUHU mring GUSTI ALLAH, dudu ateges ora ana KEKURANGANE maneh.

Klik

ADOL KASET LAWAS

Ondi Turiyat, 78, ngramut koleksi kaset-kasete kang didol ing Jalan Cihapit, kutha Bandung. Sajege 1980-an, pensiunan PT. KAI iki pancen ngumpulake maneka kaset pita kanthi maneka jinis genre musik. Total koleksine ana 2.000-nan kaset pita. Pak Ondi banjur ngedol kaset-kaset mau kanthi rega Rp 5 ewu nganti Rp 100 ewu saben kaset, gumantung tingkat langkane. (d/ist)***

Pethilan

Presiden dhawuh susunan kabinet wis rampung

Sinyal, partai isih oleh nglobi ma­neh

Ayomi situs kanthi data kang akurat

Data ana, sertifikat duweke negara sing ora ana

Surya Paloh ngaku duwe pandulu kang padha karo Prabowo

Padha-padha ndulu duwe kalo­dhangan