Wadir Resnarkoba Ditangkep ing Bandara
Diposting oleh : Administrator
Kategori: Anyar Katon - Dibaca: 95 kali

AKBP Hartono langsung dicopot saka jabatane. Pulisi tukang nyabu ditangkep anggota Reskrim Polsek Tambaksari.

 

Institusi Kepolisian Negara Republik Indonesia (Polri) bali kecoreng. Salah siji perwira menengah (pamen) sing tugase ing Polda Kalimantan Barat (Kalbar) dinuga kesangkud kasus narkoba.

Wakil Direktur Reserse Narkoba (Wadirresnarkoba) Polsa Kalbar AKBP Hartono diamanake petugas Aviation Security (Avsec) ing Terminal 1 A Ban-dar Udara (Bandara) Internasional Soe-karno-Hatta (Soetta), Tangerang, Ban-ten, Sabtu (28/7) watara jam 06.20 WIB. Dheweke nggawa narkoba jinis sabu-sabu bobote 2,38 gram ing sak clanane mburi. Banjur, dheweke dipa-srahake marang Polres Bandara Soetta.

Polda Kalbar mbenerake kabar panangkepe Hartono dening petugas Avsec Bandara Internasional Soekarno-Hatta. “Bener. Pancen ana informasi panangkepe marang kang gegayutan,” ujare Kabidhumas Polda Kalbar Kombespol Nanang PurnomoMinggu (29/7) kepungkur.

Mung, Nanang ngandhakake durung antuk bebener kang resmi saka kesatu-

an papan tugase Hartono. “Direktur nar-koba wis dakhubungi, nanging durung diangkat. Saiki aku lagi ing Jawa, lagi nuju Pontianak,” jlentrehe nalika iku.

Saiki pehake isih nunggu asil paprik-sane penyidik sing ngurusi perkara iku. “Kita tunggu wae apa asile,” kandhane.

Kapolres Bandara Soetta AKBP Viktor Togi Tambunan mbenerake kabar ketangkepe Hartono. Sawise diamanake, manut Yogi, Hartono langsung dipasrahake marang Biro Pengamanan Internal (Paminal) Divisi Profesi dan Pengamanan (Divpropam) Polri kanggo nindakake papriksan.

“Kedadeyan nggawa barang kang dinuga sabu pancen bener anane. Saiki lagi dijing-glengi Paminal Polri,” kandhane Yogi nalika dijaluki katrangane dening wartawan.

Pehak Mabes Polri gegancangan tu-mindak naliti Hartono. Sing gegayutan sa-kala dicopot saka jabatane kanggo kepentingan pemeriksaan.

Asisten Sumber Daya Manusia (SDM) Polri Irjen Arief Sulistyanto mesthekake yen Kapolri Jenderal Tito Karnavian langsung mindhah Hartono. Mutasi iku kapacak ing Surat Telegram Kapolri Nomer ST/1855/VII/KEP/2018 sing mawa tanggal 28 Juli 2018. Surat kasebut ditandhatangani Irjen Arief. Ing telegram iku disebutake, AKBP Har-tono klawan NRP 75040829 sing njabat Wadirresnarkoba Polda Kalbar dipin-dhah dadi pamen yanma Polri ing rangeken papriksan.

Arief nandhesake, pimpinan Polri ora ngapura marang ang-gota kang dinuga ke-sangkud kasus narko-ba. “Pimpinan Polri bakal aweh tindakan tegas,” ujare Arief.

Tilas Kapolda Kalbar iku nandhesake yen Hartono ora mung kaancam sanksi etik. Yen kabukten salah, Hartono bisa dipidana lan dilereni ora kanthi kormat alias dipecat. “Sanksine kode etik, PTDH (pemberhentian dengan tidak hormat, Red) utawa pecat, lan proses pidana,” pratelane alumnus Akademi Kepolisian (Akpol) 1987 iki.

Arief nerangake, saiki iki Hartono isih dipriksa kanthi premati dening Divpropam Polri. Mula iku, manut dheweke, mengko pehak propam kang mriksa sateruse tandha-tandha kesangkude Hartono. “Iku tugas propam sing mriksa. Aku ora mriksa,” kandhane tilas direktur tindak pidana ekonomi dan khusus Badan Reserse Kriminal (Bareskrim) Polri iki.

 

Tukang nyabu

Sawatara iku Bripka Wawan Hadi, anggota Satuan Sabhara Polres Pelabuhan Tanjung Perak, Surabaya ditangkep anggota Reskrim Polsek Tambaksari nalika nganakake dol tinuku sabu-sabu ing wewengkon Kalilom, dhek Sabtu bengi (28/7)

Dheweke klakon kandha, “Aku ang-gota, aku anggota.” Nanging, reserse sing nangkep ora nggape. “Wis melu wae menyang kantor,” kandhane sawi-jining sumber ing kapolisen nirokake omong-omong panangkepan kasebut.

Wiwitane, anggota Polsek Tambaksari ora percaya. Nanging, sawise dipriksa ing kantor, banjur disumurupi yen dheweke pancen anggota pulisi tenan. “Nanging, ya wis arep kepriye maneh. Ketangkepe narkoba. Abot,” ujare sumber kasebut. “Ya kudu terus diproses,” tandhese.

Kapolsek Tambaksari Kompol Prayitno nerangake, kasus iku kawiwiti nalika Wawan nelpon kancane loro, Djunaedi lan Moch.Zainal Arifin.

“Wiwitane ora kanggo prajanjen dol-tinuku narkoba. Nanging, dheweke (Wawan, Red) niyate njupuk sepedha motor sing wis digadhekake,” jlentrehe.

Kebulet perkara dhuwit, Wawan pancen nggadhekake sepedha motore ing salah sawijining gadhen. Dheweke banjur budhal menyang gadhen numpak kendharaan umum. Mung emane, sawise tekan gadhen, pranyata gadhean iku isih tutup. “Akhire, dheweke ngubungi kancane loro mau supaya dipapag,”jlentrehe Kompol Prayitno.

Tanpa mikir dawa, lelorone kancane mau gegancangan mapag. Klawan numpak motor goncengan telu, dhe-weke kabeh liwat laladan Jalan Kunti.

Perlu kawuningan, dalan kasebut mujudake salah siji dalan kang kondhang minangka salah siji pusat pasar gelap narkoba ing Surabaya. Tetela bener, wong telu iku mandheg lan tuku sabu-sabu marang sawijining pawongan sing jenenge sebut wae Olaf.

Tumindake pawongan telu iku kadenangan anggota Reskrim Polsek Tambaksari sing pancen kerep njaga ing kana. Sawise dipesthekake nggawa narkoba, pas jam 21.30 dheweke kabeh diendheg ing ngarep sawijining minimarket ing Jalan Kalilom. Dheweke klakon mbantah lan Wawan ngaku minangka anggota sedyane supaya bisa diculake. Nanging, dheweke ora bisa selak maneh nalika digledhah  pulisi nemokake plastik cilik isi sabu-sabu bobote 0,28 gram.

Dheweke wong telu banjur diglandhang menyang Mapoksek Tambaksari saperlu dititipriksa kanthi premati. Nalika papriksan, mung Wawan Hadi sing didadekake tersangka. Dene kancane loro mau mung didadekake saksi. Manut Prayitno, kancane loro iku ora ngerti yen diajak dol-tinuku sabu-sabu. “Dheweke rak didhunake pelaku sadurunge ana dol tinuku,” jlentrehe.

Ing panggonan seje, Kapolres Pelabuhan Tanjung Perak AKBP Antonius Agus Hermantyo kandha yen Wawan mujudake anggotane. “Jeneng pepake Wawan Hadi Priyanto. Dheweke saka sabhara pospol,” jlentrehe.

Agus nambahake, pehake nyumanggakake anggotane kasebut diproses. “Aku ora bakal ngayomi anggotaku sing luput. Apamaneh, iki kasus narkoba,” tandhese pulisi klawan melathi loro ing pundhak kasebut.

Agus nandhesake, sing ditindakake Wawan wis dudu pelanggaran disiplin maneh. “Nanging, iki wis pelanggaran kode etik,” ujare.

Adhedhasar panalitene wartawan, Wawan pancen mujudake pulisi sing mokong. Rong taun kepungkur dheweke nate ditahan suwene 21 dina, mangsa ukuman maksimal tumrap pulisi sing nerak angger-angger. Nalika iku dheweke uga kesangkud kasus kepemilikan narkoba. “Wiwit mbiyen dheweke makai narkoba,” kandhane sumber.

Malah, tambahe sumber kasebut, jenenge Wawan wis dijokake ing klausul dhaftar nama pulisi sing dipecat. Mung, engga saiki kasus iku durung diproses. Tamtu, klawan anane kasus narkoba sing njiret Wawan maneh, Korp Bhayangkara saya mantep ngetokake pelaku saka kesatuan. “Tumindake temen-temen mlenceng banget,” kandhane.

Anggota satsabhara iku dinuga wis suwe main karo jaringan narkoba ing Jalan Kunti. Saiki pulisi ngembangake penyelidhikan kasus iki. Sajake, pehake kepengin enggal mbrastha wiji-wiji pulisi sing sok mokong kasebut. (Tim)

Berita Terkait

img

Samak Minggu Ini

img

img

Sumber Semangat

Ana Gusti papane se­mendhe kang kukuh, geneya wedi tiba. Ana Gusti kang kagu­ngan tresna sejati, ge­­neya wedi kela­ngan. Ana Gusti pang­gonane nyenyuwun, geneya wedi kentek­an? Pasrahna saka­behe marang Gusti Kang Murbeng Dumadi.

Klik

60 TAUN ORA ADUS

Adus saben dina penting banget kanggo njaga kesehatane awak. Nanging ora mangkono tumrape Amou Haji, priya tuwa asal Iran iki malah lara kabeh kulite yen kena banyu. Mula dheweke ora tau adus sasuwene 60 taun iki. Nganti-nganti dijuluki priya paling kotor sadonya. Kepriye ora, werna kulite wis padha karo wernane lemah, semono uga teksture atos kaya semen saengga kerep dikira patung yen lagi lungguh meneng wae. (d/ist)

Pethilan

Pirembugan cawapres durung rampung

Dudu mung ngomongi ban serep

Disiapake rekayasa lalu lintas kanggo Asian Games

Jalur zig-zag sepedhah uga ana

Penduduk desa bisa saya miskin

Nah, kena kanggo bahan adol kam­panye