Anak ka-3 saka Hajjah Irna Setyawati, SE garwa) Bupati Pemalang H. Junaedi SH, MM, jeneng Muhammad Charomain Ramadani, sawetara wektu kapungkur, disunat grudugan) bareng 28 bocah yatim jrone syukur kondusifitas marang dhaerah kang aman lan tentren.

Garwa Bupati, Irna Setyawati, numpak becak bareng bocah yatim liyane, mengkono uga Bupati Pemalang  Junaedi numpak becak bareng anak yatim liyane, lan nututi arak-arakan Sunatan grudugan klebu bocahe dhewe Ramadani jrone acara sadurunge sunatan masal. Rampung diarak bocah-bocah kang disunat grudugan mlebu ruangan mligi  kanggo dikhitan. Sauntara ing Pendhapa Kab. Pemalang ngumandhang  musik Islami sing nyemarakake kahanan. Rawuh ing acara kuwi para kepala SKPD, Camat, kepala dinas instansi lan Kapolres Pemalang, Dandim 0711/Pemalang lan Ketua DPRD H.M. Agus Sukoco, SE, MM, Msi,

Jrone kalodhangan iku Bupati Pemalang, antara liya ngendika,  acara kasebut uga kanggo ngleksanakake kepengine bocahe (anaknya) sing gelem disunat menawa bareng bocah-bocah liyane, pisan minangka wujud rasa syukur ngenani kondisi dhaerah kang kondusif sasuwene iki.

‘’Awujud rasa syukur iku macem-macem. Wondene kita syukur marang  kahanan sing aman lan tentrem iki kanthi nyunatake 28 bocah yatim lan bocahku  dhewe melu disunati,’’ ujar Junaedi.

Sawise sunatan massal kasebut diterusake “pemberian” tali asih marang bocah-bocah sing disunat saka Bupati Pemalang, disusul Sekda Pemalang Drs. H. Budhi Rahardjo, MM, para Kepala SKPd lan tamu undangan liyane. Cacahe 28 bocah yatim sing disunat bareng putra Bupati Pemalang, kabeh padha katon seneng sumringah.

(Imam As)