Oleh Medhali, Oleh Omah lan Dadi PNS
Diposting oleh : Administrator
Kategori: Olahraga - Dibaca: 78 kali

Kementerian  Pemuda  lan Olahraga (Kemenpora) Republik Indonesia njanjeni aweh bonus akeh marang atlet kang padha bisa oleh medhali ing Asian Games 2018 iki. Bonus kang dijanjek­ake mau wiwit saka dhuwit milyaran rupiah, omah engga dadi Pegawai Ne­geri Sipil (PNS).

Manut Menpora Imam Nahrawi, bonus dhuwit kang bakal diwenehake yakuwi wiwit saka Rp. 1,5 milyar kang­gone kang bisa methik medhali emas. Ora mung iku wae, para pelatih tumekane asistene uga bakal oleh ber­kah ing Asian Games iki.

“Bab bonus atlet, kita wis nyiapake saben medhali emas Rp 1,5 milyar, nanging iku durung kang gandha apa­dene tim, iku lagi kang individual,” ujare Imam Nahrawi ing Surabaya, Setu kepungkur (21/7).

“Sing gandha lan tim mesthi wae ana rumuse dhewe, mangkono uga kanggone pelatih lan asisten pelatih, kita uga nyiapake bonus,” imbuhe pri­ya asal Bangkalan ksb.

Dene bab bonus omah nganti dadi PNS bakal dianugerahake marang atlet kang kasil methik medhali emas lan perak. Omahe uga wis disiapake de­ning Kementerian Pekerjaan Umum lan Perumahan Rakyat (PUPR).

“Pegawai negeri sipil kanggone kang nggondhol medhali emas lan perak uga wis ngenteni ing ngarep ma­ta, lan omah uga disiapake dening kementerian PUPR,” tambahe Imam.

“Sing jelas saiki persiapane wis mateng, wis siap. Kari kita ora sabar maneh kapan tanggal 18 Agustus iku enggal kita adhepi, lan dongakna atlet ora nandhang tatu,” pamungkase.

 

Stadion Jakabaring

Didandani Maneh

Sauntara iku Pemerintah Provinsi Sumatera Selatan lan jajaran personil TNI Angkatan Darat wiwit ndandani maneh kerusakan ing tribun penonton Stadion Gelora Sriwijaya Jakabaring, Palembang, sawise kedadeyan keru­suhan durung suwe iki. Iki ora liya mer­ga Stadion Jakabaring mujud­ake arena kanggo Asian Games 2018.

Kepala Dinas Pemuda lan Olah­raga Sumsel, Ahmad Yusuf Wibo­wo ngan­dhakake, dandan-dandan iki kudu rampung awal Agustus iki, yakuwi sadurunge arena bal-balan wanita ksb disterilisasi panitia pe­nyelenggara. “Dina iki wiwit didan­dani dening pihak (personil) Zidam II/Sriwija­ya,” ujare, Senin kepung­kur, 23 Juli 2018.

Ana 335 kursi ing tribun lor lan kidul Stadion Gelora Sriwijaya Jaka­baring (GSJ) kang ngalami rusak parah. Rusake kursi-kursi mau mer­ga ulahe kelompok-kelompok supor­ter Sriwi­jaya FC Sabtu kepungkur, sa­ram­punge Sriwijaya dikalahake Arema 3-0. Saka keterangan Rusli Nawi, minang­ka pe­ngawas saka PT Jakabaring Sports City (PT JSC), sing gawe ulah yakuwi Singa Mania lan Sriwijaya Mania.

Direktur Jakabaring Sport City, Bam­bang Supriyanto, pasang target sadurunge 31 Juli kabeh kursi stadion kang mujudake fasilitas Asian Games kudu wis temata maneh. Kerusakan iki mesthi wae dieman banget ngelingi bisa nambahi sangga kerjane panitia sarta mbuwangi dhuwit negara.

Sauntara kuwi Wakil Direktur Ve­nue Inasgoc (panitia penyelenggara), Badaruddin Ahmad, ngajab Inasgoc nyurati PT JSC amrih ngendhegake kabeh kegiatan ing sanjabane kesi­apan Asian Games, klebu pertan­dingan bal-balan. Bab iki ditindakake kanggo ngurangi resiko kang padha merga bisa ngganggu kesiapan pa­gelaran Asian Games.

“Surat dikirimake amrih iki di-lock down dhisik,” panutupe. (d/ist)

Berita Terkait

img

Samak Minggu Ini

img

img

Sumber Semangat

Ora ana sing ora bisa diikhlasake...

Klik

OJEK MAYIT

Ojek mujudake salah sijine jasa angkut migunakake sepedhahmotor. Ing jaman modern saiki, jasa iki malah bisa dipesen liwat HP, yakuwi kang diarani Ojek Online (Ojol). Ojol ora mung ngeterake wong, nanging uga panganan, barang lan blanjan. Nanging senajan wis modern, pranyata ojol ing Indonesia isih klebu biyasa-biyasa wae. Beda karo ojek ing Kongo, Afrika. Ojek ing kene ora mung bisa ngeterake blanjan utawa panganan wae, nanging uga ngeterake mayit! Carane nggawa kanthi cara dibonceng ing mburi lan ditaleni rapet karo tukang ojeke. Maklum, mayit kuwi ora bisa nggamblok dhewe... (d/ist)***

Pethilan

Akibat anane lindhu, pegawe hotel lan restoran dikon prei

Ujian kanggo kita kabeh minangka bangsa Indonesia

Idrus Marham durung karep dadi justice kolaborator

Mbokmenawa isih bingung milih je­neng-jeneng kang pantes di-‘nya­nyek’-ake

Asil ing Asian Games 2018 dadi tetenger gumregah

Kabeh kanggo Indonesia