Saiki Panen Hadiah, Zohri ndhisik Mung Oleh Paket Balsem lan Odhol
Diposting oleh : Administrator
Kategori: Olahraga - Dibaca: 222 kali

Atlet Indonesia Lalu Muhammad Zohri, mentas iki kasil dadi juara dunia ing Kajuwaran Dunia Atle­tik nomer lari 100 meter U-20 2018, kang dianakake ing Finlandia, (rebo 12 Juli 2018) kepungkur.

Mesthi wae kemenangane Zohri iki lang­sung ndadekake kabeh pehak bom­bong. Pres­tasine ngundang kawigaten nga­keh. Luwih-luwih dheweke nyathet re­kor anyar ing kajuwaran mau. Mula ora nggumunake, Zohri banjur banjir hadiah lan bonus. Lalu Muhammad Zohri mujudake pemuda asal Lombok, Nusa Tenggara Barat (NTB).

Kangmase Zohri, Baiq Fadzilah, nalika ditemoni ing omahe Dusun Karang Pancor, Pemenang, Lombok Utara ngandhake, pan­cen dudu mung pisan iku wae Zohri me­nangake lomba. Mung wae kawigaten kang ditampa dheweke ora kaya saiki iki, apa kuwi saka pemerintah daerah apadene pusat.

“Kita tau mung oleh kiriman paket, ja­rene kuwi paket kanggo atlet, nanging isine mung balsem, sabun mandi, sikat gigi lan odhol, iku wae” ujare Fadzillah, Jumat ke­pungkur (13/7/2018).

Pehak keluarga satemene rumangsa bingung merga Zohri wis bisa ngarumake jenenge bangsa, nanging kok mung oleh hadiah paketan kaya bocah-bocah ing panti asuhan wae.

Nanging senajan mangkono, keluargane tetep muji syukur merga nom-noman iki saikine bisa dadi sang juara. Fadzillah mong­kog bisa nggayuh cita-citane.

 

Rupa-rupa Hadiah

Pemerintah lumantar Kementerian Pe­muda lan Olahraga bebarengan BUMN Pe­gadaian ora let suwe banjur padha rame-rame aweh hadiah arupa dhuwit lan emas marang Lalu Muhammad Zohri. 

Zohri kang teka maneh menyang Tanah Air Selasa kepungkur (17/7/2018) disambut kayadene pahlawan nalika mudhun ing Terminal 3 Bandara Internasional Soekarno Hatta, Tangerang, Banten.

Menteri Pemuda lan Olahraga (Menpo­ra), Imam Nahrawi, petinggi Pegadaian, lan Sekjen PB Pasi, mapag tekane Zohri. Atlet umur 19 taun iku uga langsung diwenehi hadiah. Pemerintah lumantar Kemenpora aweh hadiah dhuwit gedhene Rp 250 yuta. Dene BUMN Pegadaian aweh hadiah ta­bungan emas 1 kg.

“Matursuwun marang kabeh masyarakat Indonesia. Saka pandongane kabeh wae, aku bisa dadi kaya saiki. Matursuwun marang kabeh wae” ujare Zohri.

Semono uga Dan­rem 162/Wira Bhakti Kolonel Czi Ahmad Rizal Ramdha­ni aweh sawenehing penghargaan marang Lalu Muhammad Zoh­ri. Ing antarane ndan­dani omahe Zoh­ri kang reyot, uga ndandani dalan ing kampunge Zohri.

Zohri uga diwenehi kalodhangan nggabung dadi TNI. Manut Danrem Ahmad Rizal, uripe Lalu bakal luwih kajamin kaya upamane sandhang, pangan, papan, kesehatan lan pensiune.

 

Pemusatan Latihan

Satekane ing Indonesia, Zohri langsung nggabung karo atlet liyane saperlu nindakake pemusatan latihan ing Stadion Madya Senayan Jakarta. Iki ora liya merga Zohri isih butuh waktu kanggo adaptasi sawise cukup suwe ana ing Finlandia, melu kejuaraan dunia lari junior mau.

PB PASI bakal kerja keras njaga kondisine Zohri supaya program latihan kang disiapake kanggo dheweke ora keganggu.

Zohri dadi kampiun ing Kejuaraan Dunia Atletik U-20 2018 ing Tampere, Finlandia, rebo kepungkur (11/7/2018). Zohri kang tampil ing final 100 meter sukses finis kanthi cathetan wektu 10,18 dhetik utawa unggul 0,04 detik saka sprinter Amerika Serikat cacah loro kang diunggulake, yakuwi Anthony Schwarts sarta Eric Harrison.

Nanging, kiprahe Zohri justru viral nalika dheweke kebingungan golek gendera Abang Putih sarampunge perlombaan. Kabare, merga kangelan golek gendera mau Zohri wusanane nganggo genderane Polandia kang Putih Abang banjur diwalik dadi Abang Putih. (d/ist)***

Berita Terkait

img

Samak Minggu Ini

img

img

Sumber Semangat

Apa gunane kasuksesan yen bab kuwi ora mupangati tumrap kita, keluarga lan wong liya.

Klik

Omah Teko

Kaya apa omah impenmu? Apa sing gaya Eropa kanthi maneka saka ing njerone? Utawa pengin sing gaya minimalis nanging tetep nyaman? Kanthi ndeleng maneka inspirasi ing majalah utawa internet, para maos bisa nggathukake maneka desain saengga muncul gaya omah kang unik lan beda saka sing liyane. Salah sijine yakuwi kaya omah kang modhel teko iki? Mbokmenawa kanthi model teko iki para maos bisa nemokake ‘kehangatan’ ing njerone. (d/ist)***

Pethilan

Korupsi proyek mesjid, bupati Solok Kidul resmi ‘tersangka’

Koruptor Indonesia pancen kendel mesisan keblinger!

Prioritas masyarakat jroning blanja ritel nggeser

Dhuwite dicelengi nggo mudhik

Wong cacah 5 kang dinuga teroris dirangket ing Bekasi

Aja lena…