Yogyakarta Juara Festival Olahraga Tradisional
Diposting oleh : Administrator
Kategori: Olahraga - Dibaca: 196 kali

Festival Olahraga Tradisional (FOT) tingkat nasional edisi ka-XI wis nyengkakake Propinsi D.I Yogyakarta minangka juarane. Jroning event nasional kang dianakake ing Jambi tanggal 7 nganti 8 Juli iki, Yogyakarta ngusung olahraga tradisional kanthi aran Obah Owah. Lucune, iki mujudake gelaran FOT pisanan kang dieloni dening Propinsi istimewa iki.

Joko Mursito salah sijine perwakilan saka Kontingen iki ngandhakake rasa senenge atas kemenangan kang wis dipethik kontingene.

“Ya, pancen lagi pisanan iki, lan jelas seneng merga kita temen-temen ngangkat tradisi daerah. Dolanan iki asalesaka padesan banjur diangkat menyang tingkat nasional lan Alhamdulillah dadi kang paling apik,” ujare marang media (8/7).

Dikandhakake dening Joko, dolanan obah owah iki persise saka wilayah Kulon Progo, Yogyakarta.

“Obah owah nduweni teges ing saben ana gerakan mesthi bakal ana owah-owahan. Ing kono mau wasit aweh aba-aba mandheg banjur dheweke ngandhakake obah, kabeh kandha obah, iku wis geser kabeh merga kabeh ngincer sasaran,” jlentrehe Joko. Mengkone, sasaran kang dikarepake ing permainan iki yakuwi arupa damen kang diunting.

“Kanthi cara gerak. Terus mandheg, gerak maneh iku bakal owah mula banjur diarani obah owah,” jelase.

Dolanan iki biasane ditindakake dening mudha-mudhi utawa bocah-bocah anake petani ing kampung-kampung ing wilayah Kulon Progo sawise panen raya. Biasane di­main­ake ing pengetan-pengetan hari besar, kaya upamane ing pengetan dina kemerdekaan 17 Agustus lan sapa­nunggalane.

Sawise menangake pagelaran iki, Joko ngajab olahraga tradisional daerahe ksb bisa diformat ulang, saperlu didadekake sawijining olahraga.

“Mula kudu ana ketentuan bab aturan main,banjur lapangan, ana wasite, ana skor, ana sanksi, lan liya liyane,” jlentrehe.

Manut Joko, kemenangan daerahe iki amarga, sudut pandang Juri kang nganggep anane nilai-nilai penting kayadene nilai kedisiplinan, nilai keikhlasan, sportifitas, sarta nilai kebersamaan, lan kerja sama kang kenthel banget ing olahraga iki.

Sauntara kuwi tumrap Provinsi Jambi kang dadi tuan rumah lan ngirimake wakil kabupaten cacah papating event iki kudu lila mapan ing sanjabane tiga besar. Jambi kang ngirimake Kabupaten Batanghari minangka juara saka gelaran FOT tingkat Propinsi , ditambah klawan Kabupaten yakuwi Tebo, Bungo lan Tabjabtim. Satemene ana limang kabupaten nanging Sarolangun lan Merangin mundur merga kentekan ragad.

Yen ditotal, mula event iki mung dieloni 24 kontingen ing ajang kaliber nasional iki.

Deputi III Pembudayaan Olahraga Kemenpora Raden Isnanta kang langsung mbukak pagelaran iki ngandhakake estafet kang diwenehake pemerintah pusat diyakini bakal sukses digelar ing Jambi. Gelaran FOT iki ing Provinsi Jambi mengkone bakal dibarengi karo gelaran  Liga Santri Nusantara tingkat Provinsi JAmbi.

“Muga-muga olahraga tradisional dadi budaya, merga olah raga tradisional olahraga kang durung popular,ayo digrengsengake amrih dikenal ing ngendi wae,” ujare.

Ada-ada digelare olahraga iki, tambahe,  mangkat saka riset 20 persen wong tuwa kang ngarahake marang olah­raga tradisional. Kanthi teges, wong tuwa melu partisipasi.

“Kita dhudhah kang kurang populer , kang punah bakal kita uripake maneh” panutupe.

(d/ist)

Berita Terkait

img

Samak Minggu Ini

img

img

Sumber Semangat

Ora ana sing ora bisa diikhlasake...

Klik

OJEK MAYIT

Ojek mujudake salah sijine jasa angkut migunakake sepedhahmotor. Ing jaman modern saiki, jasa iki malah bisa dipesen liwat HP, yakuwi kang diarani Ojek Online (Ojol). Ojol ora mung ngeterake wong, nanging uga panganan, barang lan blanjan. Nanging senajan wis modern, pranyata ojol ing Indonesia isih klebu biyasa-biyasa wae. Beda karo ojek ing Kongo, Afrika. Ojek ing kene ora mung bisa ngeterake blanjan utawa panganan wae, nanging uga ngeterake mayit! Carane nggawa kanthi cara dibonceng ing mburi lan ditaleni rapet karo tukang ojeke. Maklum, mayit kuwi ora bisa nggamblok dhewe... (d/ist)***

Pethilan

Akibat anane lindhu, pegawe hotel lan restoran dikon prei

Ujian kanggo kita kabeh minangka bangsa Indonesia

Idrus Marham durung karep dadi justice kolaborator

Mbokmenawa isih bingung milih je­neng-jeneng kang pantes di-‘nya­nyek’-ake

Asil ing Asian Games 2018 dadi tetenger gumregah

Kabeh kanggo Indonesia