Bathik Gowa Lawa
Diposting oleh : Administrator
Kategori: Banyumasan - Dibaca: 24 kali

Kaki Bawor lagi jagongan dopokan bareng Pak Priyanto sing pangsiunan PNS, karo Yamun si bujang tuwa nang teras ngarep umah. Mulane mbekayu Tebok gagehan ngga­wekaken wedang kopi telung gelas, bareng wis dadi gagehan digawa metu diladekna maring sing lagi padha jagongan, mbekayu Tebok weruh Kaki Bawor lagi asyik ndeleng gambar nang HaPe, kayane HPne pak Priyanto, wong mbekayu Tebok ngerti nek HP ne Kaki Bawor karo Yamun isih HP jadul.

“Agi ndeleng gambar apa kuwe, Ramane? Pernahe asyik temen,” takone mbekayu Tebok, karo ngglethakaken gelas kopi nang ngarepe Kaki Bawor. Sing nyauri malah Yamun, “Ramane agi asyik ndelengi gambare wong ayu, men bae aja diganggu Yu Tebok.”

“Ah, aja digugoni omongane Yamun, Ramane agi ndeleng gambar-gambar acara Gebyar Bathik khas Purbalingga kuwe,” sautane Pak Priyanto nggenahaken.

“Iya, ningen pancen akeh wong ayune, dhing, he..he..,” saurane Kaki Bawor nylelek guyon. “Nyah mbok garep melu ndeleng,” omonge Kaki Bawor karo ngewehna HP-ne maring mbekayu Tebok.

“O, kiye critane agi Pamer Bathik karo mlaku nang gili, yah pak Pri?” Takonane mbekayu Tebok karo ndeleng gambar sing nang HP.

“Iya, bener. Jeneng mentherenge kuwe acara Fashion show Bathik On the street.”

“Wadhuh, angel temen lambene nggo ngomong, genahe ya pamer bathik nang gili lah,” Yamun nyelani ngomong.

“Iya, kaya kuwe ya kena. Lagi kapan si acarane? Per­nahe Pak Pri ora tumon tindak maring Braling,” Kaki Bawor gole takon karo ndamoni wedang kopine, sing wis diler nang lambar.

“Acarane lagi dhong kae, agi seminggu kepungkur nang komplek dalan alun-alun lor Purbalingga. Inyong dhewek pancen ora lunga maring Braling. Kuwe toli ponakane inyong sing kirim gambar liwat WA, karepe inyong kon milih salah siji bahane bathik, mesthine garep ditukokaken,” kandhane pak Priyanto nggenahaken.

“Nek ndeleng motife bathik khas banget tur maen-maen pisan, anu motif apa si kiye pak Pri?” Takone mbekayu Te­bok penasaran. Pak Priyanto gole garep mangsuli, nyru­put wedange dhisit. “Sing genah kuwe motif Gowa Lawa, ana sing arane Eksotisme Gowa Lawa, ana Mustika Gowa Lawa, Lawa Kembar, Kalong Megar, Kembang Lawa njuran Pesona Gowa Lawa. Kuwe kabeh Corak Bathik khas Pur­baling­ganan.”

“Angger inyong sing kon milih tah bingung, wong kabeh maen-maen pisan,” ujare mbekayu Tebok karo isih njing­glengi gambar nang Hp.

Klilan.

Berita Terkait

img

Samak Minggu Ini

img

img

Sumber Semangat

Ana Gusti papane se­mendhe kang kukuh, geneya wedi tiba. Ana Gusti kang kagu­ngan tresna sejati, ge­­neya wedi kela­ngan. Ana Gusti pang­gonane nyenyuwun, geneya wedi kentek­an? Pasrahna saka­behe marang Gusti Kang Murbeng Dumadi.

Klik

60 TAUN ORA ADUS

Adus saben dina penting banget kanggo njaga kesehatane awak. Nanging ora mangkono tumrape Amou Haji, priya tuwa asal Iran iki malah lara kabeh kulite yen kena banyu. Mula dheweke ora tau adus sasuwene 60 taun iki. Nganti-nganti dijuluki priya paling kotor sadonya. Kepriye ora, werna kulite wis padha karo wernane lemah, semono uga teksture atos kaya semen saengga kerep dikira patung yen lagi lungguh meneng wae. (d/ist)

Pethilan

Pirembugan cawapres durung rampung

Dudu mung ngomongi ban serep

Disiapake rekayasa lalu lintas kanggo Asian Games

Jalur zig-zag sepedhah uga ana

Penduduk desa bisa saya miskin

Nah, kena kanggo bahan adol kam­panye