Pilkada Aman
Diposting oleh : Administrator
Kategori: Surabayan - Dibaca: 10 kali

“Alhamdulillah akhire Pilkada serentak ndhuk Jawa Timur aman. Masiya Jawa Timur pendhu­dhuke watara patang puluh juta barek sing pilkada kabupaten barek Kota ana 18 terusan pilkada Gubernur barek wakile pisan sing maune isune ka­te onok usaha penggagalan apa teror tapine tekan nggone ya aman-aman ae gak onok gontok gontokan antarane masyarakat sethithika ae. Iki awak dhewe kudu muji syukur. Perkara sig menang sapa iku sing menang ya masyarakat  Jawa Timur. Saka asile etungan cepet bu Khofifah barek pak Emil kasil ngungguli Gus Ipul barek mbak Puti Guntur Soekarno ndhuk pilihan gubernur barek wa­kile. Encene wis wayahe koyok slogane pasa­ngan urut nomer situk iku, bu Khofifah wis nyalon ping telu niki, lagek ndhuk Pilkada sing ketelu niki diparingi kemenangan. Makane bareng menang ya padha muji syukur ana ing daleme Bu Khofifah,” ujare Ning Sumeh ambek methiki kangkung.

“Encene sagurunge pilihan akeh sing mredhiksi sing menang bakale Gus Ipul, tapi nyatane ndhuk pilihan sing menang jebulane bu Khofifah, penga­laman kalah ping pindho ndadekna tim suksese ngotot, merga bu Khofifah Ketua Umum Muslimat mula ibu ibu muslimat ngotot banget nggone ngu­pa­yakna jagone menang,” sauté Cak Bedja.

Cak Ari nambahi “Kalah barek menang niku sing nemtokna Gusti Allah, awak dhewe minangka makhluke Gusti Allah isoke ya muk usaha. Makane dulur, sing maune dadi timsese Gus Ipul ya kudu legawa merga iku pancen kersaNe Gusti Allah. Sumarah ora perlu digetuni tah maneh ditangisi. Ndhuk pilihan iku onok kalah menang.”

“Bener cak Ari, kalah menang niku biasa, sapa sing wayahe menang sapa sing wayahe kalah onok mangsane dhewe-dhewe sing arane urip niku kaya jinantra, kalane onok ndhukur kalane onok ngisor. Mergane apa nek awak dhewe gak gelem nrima kekalahan keri-kerine nek gak terus owah pikire ya terus tindak culika sing gak cocok barek we­waler. Contone gampang ae, sampeyan lak se­neng tembungan, tah, yok apa Jerman isok ditekuk barek Korea dua kosong, malah Jerman wis kudu angkat koper saka Rusia, merga kontal saka enam belas besar. Padahal Jerman niku termasuk rak­sasa tembungan ndhuk dunia. Ikulah wolak wa­liking jaman,” tambahe paklik Dur.

(Sing tansah sabar mecaki urip niki: Cak Ali, Cak Bedja, Pak Lik Dur barek Ning Sumeh)

 

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan