Wisuda Kaping 58 UNP Kediri
Diposting oleh : Administrator
Kategori: Laporan - Dibaca: 6 kali

Wisuda Kaping 58 UNP Kediri  lumaku kanthi khidmat dipimpin langsung dening Rektor yaiku bapak Dr Sulistiono M.Si. Ing sesorahe panjenengane ngen­dika UNP terus ngembangake kampus Universitas Nusantara Kediri, amrih dadi  salah sijine perguruan tinggi teladan cundhuk karo Tri Dharma Perguruan Tinggi.

Adicara wisudan mau kalaksanakake ana kampus 4 UNP Kediri, gedung olah­raga. Atusan wisudawan ngumpul wiwit isuk dikanthi wali mahasiswane dhewe-dhewe. katon rawuh tamu undangan sa­ka jajaran Forpimda, perwakilan Ke­menristekdikti, Kopertis wilayah 7 sarta jajaran pengurus YPLPPTPGRI lan ora ketinggalan kabeh dosen UNP Kediri.

Jrone wisudan mau ana 10 wisu­dawan paling apik saka 10 program stu­di (prodi). Para wisudawan kang kapilih mau antuk bebungah arupa cinderamata sing diulungake langsung dening  rektor didampingi wakil rektor 1 yaiku bapak Zainal Afandi.

Ing kalodhangan mau kordinator kopertis wilayah 7 Jatim bapak Prof Dr Ir Suprapto DEA ngendika manawa upa­ya pengembangan kudu antuk dukungan uga saka lulusan UNP  Kediri. Kejaba iku panjurung saka kampus, alumni uga nduweni peran penting anggone mujud­ake perguruan tinggi edial. “UNP Kediri aweh gebrakan rencana lan target pres­tasi, muga ing kalender akademik ngarep mengko bisa mlebu10 besar perguruan tinggi swasta sa kopertis wi­layah,” pungkase rektor bapak Sulis­tiono. Ing kalodhangan kasebut ora lali Rektor uga ngaturake ‘Keluarga Besar UNP Kediri ngucapake Selamat Hari Raya Idul Fitri Minal Aidin Walfaizin 1439 H Mohon Maaf Lahir dan Batin.

 

Kutha Kediri Saya Endah

Sauntara iku kutha Kediri saiki katon saya endah, DLHKP (Dinas Lingkungan Hidup, Kebersihan lan Pertamanan) ku­tha Kediri sengkut gumregut bebarengan warga masyarakat gawe ayune kutha tahu kuwi.

Kanggo narik minate warga gawe ayune kutha, DLHKP nyiapake lomba Kelurahan Berseri sing bakal dianakake pemprov Jawa Timur mengkone. DLHKP kutha Kediri aweh sesuluh utawa bim­bingan menyang warga masyarakat murih mengkone bisa antuk penghar­gaan tingkat Madya. ana kelurahan 2 kang kapilih sing bakal diajokake ing lomba Kelurahan Berseri menyang tingkat propinsi.

 Kelurahan 2 mau yaiku Kelurahan Pojok kecamatan Mojoroto lan sijine Kelurahan Ngadirejo kecamatan Kota  manut panalitene DLHKP kotha Kediri ya sing layak diajokake, sebab kelurahan 2 iki wis nate nyandhang penghargaan kelurahan Berseri tingkat Pratama, sakliyane iku wis padha nduweni bank sampah, pengelolaan lingkungan, biopori sarta guyube warga masyarakat kanggo kaderesasi kelurahan Berseri  kang aktif.

 Ing kalodhangan mau Kepala Dinas DLHKP kutha Kediri Didik Catur ngandhak­ake, yen kegiatan iki nganggo tatacara nglibatake kabeh warga masyarakat dalah aparat kelurahan pamrihe meng­kone bisa ngembangake potensi kelu­rahan sing ana, saengga bisa mujudake lan mbiasake warga masyarakat peduli mbangun budaya ramah lingkungan, resik, endah lan berseri. Sakliyane iku minangka tindak lanjut program Pem­prov Jawa Timur yaiku mbangun Kelu­rahan utawa Desa berbasis lan ber­wawasan lingkungan bersih lan lestari. Kanthi pangajap, kelurahan 2 mau mengkone bisa mgrebut penghargaan tingkat madya.

Perlu kawuningan yen program Berseri (bersih lan lestari) iku program Pemprov Jawa Timur bidang lingkungan hidup kanthi tujuan njurung marang warga masyarakat mbangun Kelurahan utawa Desa peduli lingkungan bersih lan lestari. (Totok /Koco)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan