Jerman kelangan Taji, Korsel dadi Cahya Asia
Diposting oleh : Administrator
Kategori: Anyar Katon - Dibaca: 30 kali

Jerman mung ngulur kegagalan. Sawise sempat ngu­ripake pangarep-arep sarampunge ngalahake Swedia ing laga kaloro Grup F, langkah Jerman ing Piala Dunia 2018 wusanane temen-temen kandheg ing tangane Korea Se­latan (Korsel) jroning laga pamungkas.

Kepastian iki ditampa Jerman nalika skor 2-0 kanggo ke­menangane wakil Asia dadi asil akhir pertandingan. Jroning bandayuda kang digelar ing Kazan Arena, rebo ke­pungkur (27/6/2018), kekarone gul Korea Selatan mun­cul ing nalikane injury time babak kaloro, yakuwi ditin­dakake dening Young-Gwon Kim lan Son Heung-min.

Kanggone Korsel dhewe, kemenangan iki satemene ora ana pengaruhe apa-apa, merga Korsel wis dipesthek­ake ora bakal lolos menyang babak 16 besar. Nanging, ngalahake juara bertahan jelas kuwi dadi prestasi dhewe. Luwih-luwih, kanthi telung poin iki Korsel mungkasi Piala Dunia 2018 ing posisi telu, sak setrip ing ndhuwure Jerman kang dadi juru kunci.

Sawenehing cathetan muncul sarampunge pertandi­ngan kebak sejarah ksb. Kanggone Korsel, cathetan iki mujudake mangsi emas. Nanging kanggone Jerman, ca­thetan iki malah mujudake rereged atas reputasine ing pesta bal-balan sajagat ksb.

Kaya kang kita mangerteni, Jerman teka menyang Piala Dunia 2018 kanthi reputasi ora sembarangan. Minangka juara edisi 2014, Die Mannschaft tetep difavoritake dadi juarane. Nanging, langkah kawitane malah wis nyumela­ngake merga keok saka Meksiko.

Kalodhangan kapindho kanggo lolos pancen ana sa­rampunge menang 2-1 saka Swedia. Nanging, ing sa­ngarepe Korsel ora ana kesempatan kanggo nerusake am­bisine iku. Merga kegagalan mau, Jerman nyusul Spanyol, Itali, lan Prancis minangka juara bertahan kang ron­tok ing fase grup.

Prancis gagal ing Piala Dunia 2002, Itali nyusul ing edisi 2010, lan Spanyol taun 2014. Kacathet jro­ning kaping lima Piala Dunia paling panas, mung Brasil kang bisa lolos saka masalah nalikane ngleng­gang nganti perempat final ing taun 2006 saram­punge dadi juara ing 2002. Jerman mujudake negara kang rutin main ing Piala Dunia. Langkahe cukup dawa ing pesta patang taunan ksb. Nanging, Jerman ora katon kaya Jerman ing Piala Dunia biyen, merga ora kasil lolos saka babak grup.

Ing Piala Dunia 1938, nalika kompetisi dianakake kanthi sistem gugur utawa langsung 16 besar, Jer­man kesingkir ing pertandingan pertama nalika dika­lahake Swiss ing rong leg. Ing leg pertama, laga im­bang 1-1. Dene ing leg kapindho, Jerman nutup laga kanthi kalah 2-4.

Dudu mung gagal lolos kang dadi rapot abang Jerman. Sasuwene telung pertandingan kang dimainake ing Grup F, Jerman ora tau unggul pisan wae ing babak pertama. Kaping pindho ketinggalan (saka Meksiko lan Swedia) lan kaping pisan imbang (lawan Korsel).

Cathetan ora tau unggul ing babak pertama sasuwene fase grup iki mbaleni perjalanane edisi 1986. Nalika iku, Jerman kaping pindho keri lan sepisan imbang. Bedane, ing edisi 1986 Jerman lolos menyang babak 16 besar lan nggayuh final sadurunge wusanane dikalahake Argentina.

 

Korsel Bisa Dadi Cahya Asia

Jepang sempat dadi cahyane Asia sarampunge dadi negara Asia pertama kang bisa ngalahake negara asal Ame­rika Selatan merga njlungupake Kolombia. Saikine, Korsel kang gawe cathetan sejarah iku kanthi dadi tim Asia pertama kang bisa ngalahake Jerman ing Piala Dunia.

Nanging, Jerman tetep unggul saka babak jumlah gul. Jroning kaping lima sapatemon pungkasan karo negara Asia sadurunge Piala Dunia 2018 iki, Jerman nglebokake 19 gul lan kebobolan 3 gul. Banjur, kemenangan Korsel mau dadi bukti yen dominasi Jerman uga bisa kelangan tajine.

Kanggone Korsel, kekarone gul ing masa injury time ba­bak kaloro mau nguntabake gawe cathetan sejarah kang ma­nis lan ndadekake pasukane Shin Tae-Yong iki mulih kan­thi mongkogake.

Dene kanggone Jerman, kebobolan rong gul ing wektu tam­bahan babak kaloro mau mujudake kang pisanane ing Piala Dunia. Emane, sejarah kucem ndadekake Jerman ang­kat koper kanthi status juru kunci.

(d/ist)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan