Mudik Lancar
Diposting oleh : Administrator
Kategori: Surabayan - Dibaca: 11 kali

“Mudik mulai taun niki khususe sing dhuk Jawa wis lancar merga sing arane tol trans Jawa wis nyam­bung masiya gurung isok rampung kabeh tapine wis isok diliwati, wingi ponakanku seka Jakarta tekan Solo gak sampek sepuluh jam niku ae jare wis bola-balik mandheg terus saka Solo tekan Surabaya gak sampek patang jam padahal ya bolak-balik istirahat niku nek aku wis termasuk luar biasa. Mergane taun wingi pas tol gurung siap sing arane Surabaya Solo isok sampek rolas jam macet sak uwen-uwen ndhuk dhaerah Jom­bang Kertosono barek Nganjuk. Terus engkuk sing ara­ne kendharaan rame dadi gak isok banter ketam­bahan sing arane stopan abang ijo tambah suwe tam­bah akeh mergane sing arane embong niku tambah rame. Aku tau melok dulur saka Surabaya mulih ndhuk Purworejo niku sampek meh patlikur jam. Sing arane dalan padhahal ya tambah amba tapi sing arane ken­dharaan tambah akeh, dadi kejabane kenek macet mla­yune kendharaan gak isok banter merga bolak balik kudu mandheg kenek stopan,” ujare Ning Sumeh am­bek gawe es godir.

“Iya ning awak dhewe nek mulih Jogja pirang pi­rang taun niki wani numpak sepur, sing arane sepur saniki pelayanane tambah apik terusan sing arane jadwal niku ya tepat. Bebas macet ndhuk embong ke­cuali nek onok kedadeyan istimewa,” sauté Cak Bedja.

Cak Ari nrambul omongan “Biyen awak dhewe numpak kendharaan saka Surabaya Purworejo pas sing arane kendharaan gurung pati akeh isok pitung jam wis tekan, tapine sampek taun wingi dibanter koyok apa gak isok nek muk pitung jam, isok ping pin­dhone malah isok ping telune. Wong sing arane Surabaya Jombang ae isok sampek limang jam. Engkuk saka Jombang biasane dilebokna dalan alternatif liwat Kediri terus Nganjuk engkuk tekan Nganjuk macet ma­neh lagek lancar nek wis mlebu Ngawi, tapi niku nek mlaku bengi nek awan beke ya onok macete.”

“Awak dhewe ya melok muji syukur nek sing arane dalan tol niku wis akeh sing wis dadi, artine pereko­nomian bakal lancar, cumak ngono niku ya onok se­neng barek gak senenge, utamane wong-wong sing padha duwe restoran tah depot pinggir embong, lha nek tol wis dadi apane sing arane depot niku gak se­pi, lha niku sing duwe depot kudu kreatif kudu wa­ni kontrak ndhuk rest areane tol, gampange pin­dhah dodolan. Terusan nek tole panjang nemen ya kudu ngati-ati nggawa kendharaan mergane sing arane kendharaan mlaku niku sing arane ban panas, dadi ojok dianter isok mlayu banter ae kudu dikira-kira, supayane gak blai,” omonge paklik Dur.

(Sing syukur dalan tol wis isok nglancarna mudik taun niki: Cak Ali, Cak Bedja, Pak Lik Dur barek Ning Sumeh)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan