Galang Hendra Juara, Indonesia Raya Ngumandhang ing Brno
Diposting oleh : Administrator
Kategori: Olahraga - Dibaca: 40 kali

Lagu Indonesia Raya mentas iki ngumandhang ing Brno. Iki sawise Galang Hendra Pratama bisa tampil minangka pemenang balapan WorldSSP300 seri Republik Ceko, Minggu kepungkur (10/6/2018).

Pembalap saka tim Biblion Yamaha Motoxracing ksb kasil finis paling cepet ing balapan kang dianakake ing Automotodrom Brno, Rep. Ceska kuwi.

Iki mujudake kemenangan pisanan kanggone Galang Hendra Pratama saka nem seri balapan WorldSSP300 kang wis dianakake musim iki. Galang uga kasil nyethet sejarah minangka pembalap non-Eropa pertama kang bisa menangi balapan WorldSSP300.

“Alhamdulillah aku bisa oleh posisi pertama ing race. Aku seneng banget,” ujare Galang Hendra sarampunge balapan, dinukil saka akun Instagram Yamaha Racing. Galang Hendra Pratama satemene wis bisa tampil dominan sajeke sesi latihan bebas pertama. Malahan, pembalap umur 19 taun iki miwiti balapan ing dina Minggu saka pole position sarampunge dadi kang paling cepet nalika superpole 2 (kualifikasi).

Sarampunge gendera start diklebatake, Galang Hendra Pratama satemene sempat ketinggalan saka Ana Carasco ing tikungan pertama. Nanging, Galang bali bisa ngrebut posisi sing paling ngarep maneh lan nyiptakake jarak kang cukup adoh karo pembalap ing mburine.

Balapan uga sempat ‘diramekake’ anane gendera abang kang mratandhani ana kacilakan kang kedadeyan ing kelompok mburi lan ndadekake balapan kepeksa dilereni ing lap pitu (samesthine nganti sepuluh lap).

Galang Hendra Pratama kang nalika kuwi mimpin lomba kanthi otomatis tampil minangka pemenang seri Republik Ceko. Dene kanca kompatriot Galang Hendra, Ali Adriansyah lan Imanuel Putra Pratna, nduweni nasib kang kurang apik merga gagal finis. Malahan, Ali Adriansyah Rusmiputro sempat ngalami kacilakan lan kudu digawa menyang medical center.

Kemenangan ing Brno iki ndadekake Galang Hendra Pratama munggah menyang peringkat ka-8 klasemen sementara WorldSSP300 2018 kanthi oleh 43 poin. Dheweke isih ketinggalan 35 poin saka Ana Carrasco kang mapan ing pucuk klasemen.

n (d/ist)

Berita Terkait

img

Samak Minggu Ini

img

img

Sumber Semangat

Urip iki cekak banget yen mung trima diisi karo rasa gela lan benci.

Klik

TRADHISI KAUL LAN ABDA’U ING MALUKU TENGAH

Iki sawijining tradhisi mbeleh wedhus ngarepake Idul Qurban. Ditindakake kaping pindho, yakuwi sing umum sawise shalat idul adha, lan ana maneh sing khusus. Sing khusus kanthi mbeleh wedhus 3. Sadurunge dibeleh, tetelune wedhus iki digendhong jarit dening tetuwane adat lan diarak keliling sinambi sholawatan nuju pelataran masjid Negeri Tulehu sawise Ashar. Tujuane ritual iki kanggo tolak balak lan nyenyuwun panga-yomane Gusti Allah kanggo masyarakat Tulehu. (d/ist)

Pethilan

Polri wiwit ngrasakake anane konflik pemilu

Digulung wae pak

Pasangan capres-cawapres setuju pemilu dhame

Pendhukunge sing dikon gontok-gon­tokan

Capres-cawapres nyiapake tim sukses

Sukarelawan, nanging ana pamrih