Operasi Pekat Semeru Kasil Nangkep Penjahat 3.000
Diposting oleh : Administrator
Kategori: Yak Opo Kabare - Dibaca: 10 kali

Sethithike ana penjahat 2.948 kejaring Operasi Pe­kat Semeru 2018 kang ditin­dakake suwene 10 dina, wiwit 21 Mei engga 1 Juni 2018.

Ewonan penjahat iku mi­nangka asil bukti saka 2.944 kasus, kang ditindakake Polres­tabes Surabaya dalah Polsek jajarane. Wiwit kasus curat, cu­ras, curanmor, narkoba, nga­bo­tohan, pelanyahan, porno­grafi, mercon, miras lan pre­manisme.

Kasat Reskrim Polrestabes Surabaya, AKBP Sudamiran ngan­dhakake, Operasi Pekat Semeru 2018 iki dileksanakake kanggo mbrastha penyakit  kang kulinane ana ing tengah­ing masyarakat.

“Ana wong 2.854 kang di­bina jalaran ana tandha-tan­dha kesangkut saperangan kasus. Ana kang miras, mercon, lan pre­manisme. Paling akeh sing kesangkud premanisme,” kan­dhane Sudamiran, nalika sapa­temon karo wartawan ing Ma­polrestabes Surabaya, Selasa mentas iki.

Dene, wong 94 kesangkud kejahatan, kayadene curat, curas, curanmor, narkoba, nga­botohan, pelanyahan, lan por­nografi.

“Wong 94 iku wis disidik lan saiki ditahan,” tambahe Suda­miran.

Sawatara iku, Sujarwo, sa­lah sawijining pawongan kang kejaring perkara premanisme kandha, dheweke ditangkep jalaran nindakake tarikan par­kir kendharaan ora resmi ing laladan Surabaya Selatan.

“Aku narik parkir kendha­raan ing pinggir ratan tanpa nganggo karcis. Dumadakan ditangkep petugas lan digawa menyang kantor pulisi. Nembe sepisan iki aku ditangkep,” bla­kane Sujarwo.

Peprincene penjahat kang ditangkep Polrestabes Suraba­ya dalah Polsek jajarane:

Saka wong 2.948 iku kang dianakake pembinaan merga kasus premanisme ana wong 2.615. Sing kesangkut perkara inuman keras ana wong 218, sing ketangkep merga dodolan mercon ana wong 21. Sisane ana 28 tersangka kang ditahan merga kasus ngabotohan. Ter­sangka narkoba ana wong 37, tersangka curanmor ana wong 7, lan sing ditahan merga curas wong 7. Tersangka curat ana wong 8, tersangka pelanyahan wong 6. Dene pornografi ana wong siji. (Bsh)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan