Nalika macakake pledoi; Zunaidi Ora Kuwawa Nahan Tangis
Diposting oleh : Administrator
Kategori: Dredah Masalah - Dibaca: 9 kali

Swasana ruwang Tirta I Pengadilan Negeri (PN) Surabaya, papan panggonane Zunaidi Abdillah disidhang, sajak krasa nreyuhake. Tilas perawat kang didakwa nerak kasusilan (cabul) iku nangis nalika macakake pembelaane. Dheweke rumangsa dadi wong sing disalahake (kam­bing hitam). Ing wektu iku uga, sisihane Zunaidi, Winda Rimawati sing lungguh ing mburine uga ora kuwawa ngempet ta­ngise.

Ing pembelaan kang diwacakake ing sidhang tertutup iku, Zunaidi kukuh mban­tah yen dheweke tumindak kanthi nerak kasusilan marang pasien sing jeneng cekak­ane WD. “Dheweke nangis nalika macakake pem­belaan (pledoi), ngandhakake yen dhe­weke ora luput lan mung didadekake wong sing disalahake (kambing hitam).

Anak-anake padha lara-laranen. Dhe­weke dipecat saka penggaweyane, lan sing wadon ora nyambutgawe,” ujare kua­sa hukume Zunaidi, Elok Dwi Kadja, sa­bubare sidhang, Senin (4/6).

Kejaba Zunaidi, tim kuasa hukume uga macakake pledoi dhewe-dhewe. Ing ple­doi-ne, pengacarane Zunaidi ngajap ma­rang majelis hakim supaya mbebasake ka­dakwa saka sekabehing tuntutane jaksa. Manut kandhane, ora ana fakta persidha­ngan arupa katrangane saksi-saksi lan alat bukti kang nuduhake yen Zunaidi nerak kasusilan marang WD.

Manut katrangane saksi ahli, dr. Pra­nan­da Surya Airlangga minangka ahli anes­tesi saka RS Dr. Soetomo, bisa wae WD nandhang halusinasi (katon-katonen) masalah seks sawise operasi. Sebab, kur­ban sing mentas operasi kandhutan ngom­be obat bius jinis propofol kang bisa nda­dekake pasien katon-katonen. “JPU nuntut (adhedhasar, Red) saka katrangane saksi kurban wae merga ora ana saksi kang me­ruhi kurban diprawasa,” ujare Elok.

Dheweke mbantah yen berita acara pemeriksaan (BAP) cacat hukum. Sebab, sanajan nalika pemeriksaan ing kapolisen diampingi pengacara, Zunaidi rumangsa dipeksa. Kadakwa nalika iku disaguhi pe­sudan ukuman yen ngakoni sangkaan pen­cabulan kasebut.

Sawatara iku, jaksa Damang Anubowo meneng wae sawise ngrungokake pembe­laane kadakwa karo nangis. Dheweke ma­lah mitakonake keterangane Zunaidi kang ngandhakake tansah dipeksa dening pihak liya. “Wektu BAP ing kapolisen, dheweke diampingi kuasa hukume. Sasuwene si­dhang uga ora ana sing meksa dheweke. Dadi, satemene peksan kaya apa?” kan­dhane.

Manut katrangane WD, saksi kurban, jaksa percaya Zunaidi wis nindakake trekah ala marang WD. Sebab, nalika di-cabuli, kurban lagi sadhar merga pengaruh obat bius mbaka sethithik suda. Ngenani aduan 12 jam sawise kedadeyan, sanajan sa­dhar, kurban klakon mangu-mangu. Na­nging, jalaran ora bisa ngempet nesu, emosine WD akhire disuntakake.

Panyuntake nesune kurban kang kare­kam ing video akhire viral ing medsos iku uga dadi salah siji bukti pituduh mung­guhing jaksa penuntut umum (JPU).  Kete­rangane kurban lan video kasebut banjur dicocogake karo katrangane saksi liyane. Saka kono, Zunaidi diyakini wis nyabuli kurban sanajan ora ana saksi sing meruhi.

“Meh sekabehane nyengkuyung ka­trangane saksi kurban WD. Upamane, saka klambi kang groboh, sak-sake. Wengine klakon diempet, nanging wusanane dicri­takake merga wis ora betah,” kandhane Damang. (Tim)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan