Bupati Purbalingga Ketangkep OTT
Diposting oleh : Administrator
Kategori: Dredah Masalah - Dibaca: 15 kali

Praktek korupsi sajak isih ndadra sanajan sasi Pasa. Sing paling gres, KPK nindakake operasi tangkap ta­ngan (OTT) marang Bupati Pur­balingga H.Tasdi, Senin (4/6) bengi.

“Ana tim kang ditugasake ing Purbalingga. Nembe wae aku an­tuk katrangan, udakara ana wong papat sing diamanake lan sakeh­ing dhuwit,” kandhane Juru Wica­ra KPK Febri Diansyah marang war­tawan.

Adhedhasar katrangan kang kasil dikumpulake, dhuwit sing sauntara diamanake ing OTT iku kehe udakara Rp 100 yuta. KPK uga nyegel kendharaan dhines kla­wan nomer pulisi R 64 C kang dikuwasani Kabag Unit Lelang Pe­ngadaan (ULP) Pemkab Purba­ling­ga Hadi Iswanto. Hadi uga katut di­amanake bareng karo salah sawijining pengusaha, Nababan. Ajudane bupati, Te­guh Priono uga ditangkep KPK.

Sadurunge nindakake panangkepan, klakon dumadi tumindak uber-uberan an­tarane penyidik KPK lan Hadi. Hadi sing migunakake mobil dhines Avanza mlayu kanthi banter banget saka arah dalan gedhe alun-alun mlebu menyang kom­pleks Pendhapa Dipokusumo.

Mobile Hadi banjur nuju lapangan tenis ing kompleks pendhapa. Mobil iku ditabrak dening salah sawijining mobil KPK ing perangan tengah sisih tengen. Hadi banjur metu saka mobil lan mlayu nuju kantore ing loteng loro gedhong setda.

Saperang uwong saka mobil KPK loro gegancangan metu banjur mburu Hadi. Tetela, ing kompleks pendhapa uga wis ana mobile KPK Avanza silver kang parkir kang ditumpaki tim KPK. Tim iki uga melu nguber Hadi. Pungkasane, penyidik KPK kasil nangkep Hadi ing salah sawijining ruwangan. Dheweke banjur masrahake tas kresek isi dhuwit sagebog. Tim KPK liyane pranyata wis marani ruwang ker­jane bupati lan nggawa bupati dalah aju­dane, Teguh, menyang Mapolres Ba­nyu­mas.

Nganti pawarta iki diketik, Tasdi isih dipriksa kanthi premati ing Mapolres Banyumas lan enggal digawa menyang kantor KPK ing Jakarta.

Sawise dititipriksa kanthi premati, pung­kasane Bupati Purbalingga iki dite­tepake KPK minangka tersangka. Kader PDI Perjuangan sing nembe wae dipecat partaine iku disangka nampa dhuwit beselan Rp 100 yuta bareng karo Kabag Unit Lelang Hadi Iswanto saka kontraktor proyek pembangunan Islamic Center Purbalingga. Proyek kasebut dikerjakake klawan multiyear wiwit taun 2017 nganti 2019.

Ketua KPK Agus Rahardjo nerangake,  Tasdi dinuga kuwat mrentahake Hadi Is­wanto supaya mbiyantu pengusaha saka Jakarta Librata Nababan ing lelang pro­yek Islamic Center. Malah, prentah iku disartani ancaman pemecatan yen Hadi wegah nuruti prentahe Tasdi.

Nah, Nababan dalah kancane, Ham­dani Kosen, banjur melu lelang klawan migunakake PT Sumber Bayak Kreasi (SBK). Ing taun 2017, PT SBK mujudake pehak sing menang lelang proyek pem­bangunan Islamic Center pengaji Rp 12,4 miliyar iku. Banjur, ing taun ang­garan 2018, PT SBK bali menang maneh ing proyek pembangunan laladan Islamic Center pengaji Rp 22,2 miliyar. Saka proyek tahap loro kasebut, disarujuki fee kehe 2,5 persen utawa Rp 500 yuta kanggo bupati. “Dinuga, dhuwit Rp 100 yuta mujudake perangan saka commitment fee kehe 2,5 persen mau,” jlen­trehe Agus Rahardjo. (Tim)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan