Pancasila Tetep Teguh dadi Dhasar NKRI
Diposting oleh : Administrator
Kategori: Pangudarasa - Dibaca: 22 kali

Ana pakarti ala limang perkara sing déning wong Jawa diarani Ma Lima, yaiku Main (judhi), Maling, Madat (nyerèt, narkoba), Minum lan Madon. Ing agama Bud­dha uga ana larangan (pantangan) werna lima sing diarani Pancasila. Tembung Pancasila iki sing dianggo (dinukil) negara kita, senajan maknané owah. Dudu pantangan lima nanging Dhasar lima sing dadi falsafah Urip (way of life) bangsa kita sing saterusé nglairaké UUD 1945, sing dadi dhasar hukum NKRI.

UUD 1945 iku béda karo Kitab Suci (Al Qur’an) sing asalé wahyu Ilahi lan ora kena diowahi babar pisan. UUD 1945 iku gawéyané manungsa, bisa owah gingsir, laras karo kebutuhan, bisa diowahi (diamandemen). Pancasila, minangka asil peng­galian saka filsafat sakabèhing warga Indonesia, sabisa-bisa ora kena diowahi lan tetep dadi pedhoman uripé bangsa kita. Nanging akhir-akhir iki akèh panemu lan gagasan ra­dhikal, tekané saka ngendi-endi sing niyat ngowahi Pancasila. Panemu radhikal mau ngarani yèn Pancasila wis ora cocog karo pangu­ripan saiki, dianggep wis kadaluwarsa, kèri jaman lan kudu diganti. Jaman kepungkur, puncaké tanggal 30 September 1965 nalika kudéta (makar,) sing arep ngganti Pan­casila diganti ajaran komunisme. Makar mau gagal, Pancasila menang. Mula 1 Oktober ditetepaké dadi Hari Kesaktian Pancasila.

Kita coba nginguk sakeplasan lairé Pancasila : Ing sidhang Dokuritsu Junbi Cosakai (BPUPK= Badan Penyelidik Usaha Per­­siapan Kemerdekaan), Bung Karno pidhato tanpa teks, tan­pa rekaman gambar lan suwara. Tulisan sing saiki ana, disusun adhedhasar cathetan steno (tulis cepat) sing isiné Pancasila. Bengi sadurungé, Bung Karno nampa Irhaz (pe­tunjuk, ilham) saka Gusti Allah bab apa sing arep diucapaké ing pidhato dina ésuké. Pranyata pidhato mau ditampa kanthi aklamasi kanggo dhasar negara. Panitia sanga sing dipasrahi ngrumusaké manèh Pancasila minangka dhasar negara adhe­dhasar pidhato Bung Karno iku lan ndadèkaké dokumen ksb minangka teks kanggo memproklamasikan kamardikan Indonesia.

Sawisé proses sidhang lan lobi-lobi, akhiré Pancasila asil penggalian Bung Karno ksb kasil dirumusaké kanggo dimot (dicantumkan) ing mukadimah UUD 1945, tanggal 18 Agustus 1945. Ing kata pengantar atas buku pidhato ksb taun 1947, tilas Ketua BPUPKI, Dr. Radjiman Wedyodiningrat nyebut pidhato Bung Karno ksb isiné lahiré Pancasila. Yèn kita amati, “Lahirnya Pancasila” nyata sawijining Beginsel sing dadi dhasar negara kita, sing dadi Rechtsideologi negara kita. Sawi­jining beginsel sing wis mresep lan ngoyot ing jiwaning Bung Karno, lan wis metu saka jiwa kanthi spontan; senajan sidhang iku diawasi kanthi keras déning pemerintah Dai Nip­pon. Pancèn jiwa sing adreng kepéngin merdika, ora bakal bisa dialang-alangi. Najan rezim fasisme Jepang lagi kuwasa ing Nus­wantara, cita-cita demokrasi ora tau uwal saka jiwané Bung Karno. Lan pidhato lairé Pancasila dadi tonggak sejarah bangsa kita ing upaya berjuwang lan nyampurnakaké wujudé NKRI.

Para pendhiri NKRI liwat BPUPKI ngrumusaké Pancasila minangka upaya nyawijèkaké keberagaman ing Nuswantara. Pemersatu iku diperlokaké ngadhepi politik penjajah (Landa) sing nggunakaké keberagaman Ras, Agama lan Suku kanggo de vide et impera (mecah belah) bangsa kita. Organisasi ke-Islaman paling gedhé, NU lan Muhammadiyah sing makili golongan Islam nalika nggawé dhasar negara, ora memak­sakan ideologi Islam nalika iku, sebab Islam tuwuh lan megar jroning budaya Nuswantara.

Kita ngajap, narasi kebangsaan disebaraké ing dunia ma­ya. Saka data Kem Kominfo, watara 144 yuta WNI pengguna aktif internet berpotensi atas penyebaran paham radikal, hoax lan ujaran kebencian ing medsos. Minangka antisipasi marang penyebaran paham negatif iku, periode Januari – Mei 2018 Kem Kominfo wis mblokir 3.195 akun lan situs sing terindikasi mrodhuksi lan nyebaraké konten radikalisme lan terorisme. Nyata yèn mungsuh Pancasila iku isih ana. Nanging kita tetep njaga supaya Pancasila tetep teguh  dadi falsafah urip lan dhasar negara kita. (MW).

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan