SUGENG ARIYADI FITRI
Diposting oleh : Administrator
Kategori: Layang Saka Warga - Dibaca: 6 kali

SUGENG ARIYADI FITRI

Marang Bapak Redhaktur, kadang pamaos lan sutresna PS lan kasusastran Jawa kabeh, ing kalodhangan dina becik iki aku ngaturake sugeng Ariyadi Fitri. Pira-pira kaluputanku marang panjenengan kabeh, sing tak jarag utawa ora, utawa pakartiku mung kebeneran wis gawe ora penaking pikir panjenengan, kanthi Layang Saka Warga iki aku nyuwun samudra pangaksama.

Mugi Gusti Pangeran, Allah SWT paring lubering rakhmad lan pangaksama marang kita kabeh saengga kita bali resik saka sesuker lan dosa. Mugi sakeh ngibadah lan amal kita ing wulan Siyam kaya ta pasa, sholat tarweh, tadarus lan nahan sakehing hawa nepsu ditampa dening Allah SWT. Mung semene aturku, matur gunging panuwun.

TUGU W. — MAGELANG

 

PEMERINTAH WIS NGUGUNG MARANG PEMUDIK

Ora beda karo taun taun kepungkur, warga kita utamane para sedulur sing urban marang kutha-kutha gedhe kaya  Jakarta, Surabaya, Bandung lan kutha-kutha gedhe liyane ing dina riyaya Idul Fitri kepungkur iki padha gumarudug mulih menyang desa asale, utawa sok disebut mudhik menyang kampung halaman.

Masalah klasik sing tansah ngreribeti para pemudhik, yaiku anggone uyel-uyelan ing ndalan, numpak kendharaan umum kaya bis, sepur lsp. Dene sing kalebu sugih lan mudhik nganggo kendharaané dhewe kaya montor, sepedhah motor lsp padha ngalami kerepotan merga kemacetan ing dalan, akehe kacilakan lsp.

Taun iki, pemerintah anggone ngupayakake kelancarane lalu lintas kita biji wis ora kurang-kurang nganti kena diarani ngaya banget. Mula ora kliru yen ana sing ngarani pemerintah wis nguja utawa ngugung marang para pemudhik. Gandheng karo taun iki taun politik, mula ya ora kliru yen ana sing nganggep usaha pamarentah sing ngono mau ana uga tujuan politike, kaya mambu kampanye ngadhepi pilkada, pilleg lan pilpres sing wis cedhak banget ing ngrepan kita.

Minangka warga biyasa, kita ora patiya perduli marang muatan politike (yen pancen ana), sing penting lalu-lintas dharat, banyu lan nggegana kita bisa lancar, aman lan nyaman saengga kita bisa mudik lan mahargya Idul Fitri kanthi seneng lan maremake.

Muga-muga becike pelayanan marang warga kita iki bisa ditampa kanthi samurwate dening warga kita, saengga sateruse apike pembangunan infrastruktur iki bisa kita gunakake sateruse saengga pertumbuhan ekonomi bisa saya banter lan njalari rakyat tambah makmur panguripane. Kita ajap, pemerintah uga ora nglalekake warga saka pulo-pulo saliyane Ja­wa lan Sumatra supaya pembangunan iki bisa dirasakake kanthi adil lan rata. Aamiin.

IRAWAN - PALEMBANG

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan