Sl 25 / 2018
Diposting oleh : Administrator
Kategori: Sing Lucu - Dibaca: 37 kali

Basa Jepange

Jambul    : “Cung, apa basa Jepange aku tresna kowe?”

Kuncung : “Aishiteru!”

Jambul    : “Wheleh, jebul pinter tenan kowe! Coba siji maneh, apa basa Jepange aku sengit kowe?”

Kuncung : “O, Kuwisateruku! Bener, ta?”

Jambul    : “Bener, gundhulmu!”   (kir: Sutrisno Aji, Kebumen)

 

Ora Bisa Mati

Soleh : “Pung, wong ahli apa, sing diobong ora mati?”

Ipung : “Ahli jaya kawijayan!”

Soleh : “Salah!”

Ipung : “Ahli kasekten!”

Soleh : “Isih salah! Wong ahli kasekten tetep bisa mati nek diobong!”

Ipung : “Lha, sing bener wong ahli apa?”

Soleh : “Wong ahli neraka!”  (kir: Sutrisno Aji, Kebumen)

 

Bedhes

Karmin : “Apa kaluwihane bedhes ketimbang kowe, Man?”

Kirman : “Bedhes pinter banget menek wit, nek aku pancen ora bisa. Nanging aku bisa menek yen nganggo andha.”

Karmin : “Salah! Sing bener yakuwi bedhes bisa luwih sabar ketimbang kowe.”

Kirman : “Kok bisa! Apa buktine?”

Karmin : “Ora ngandel ta?! Coba yen aku nyeluk bedhes nganggo jenengmu (Kirman), mesthi bedhese  ora nggape. Nanging yen awakmu tak celuk bedhes, mesthi kowe nesu, iya ta?!”

Kirman : ?????!!!  (kir: Sulispriyanto, Surabaya)

 

Sekolah Luar Biasa

Wartawan     :  “Pak, kepriye kok bisa nduweni program sing luar biyasa kanggo pembangunan ing kutha iki?”

Calon Bupati : “Ooo... iku merga aku lulusan Sekolah Luar Biasa (SLB), dadi ya lumrah, nek programku pancen luar biyasa.”

Wartawan     : ?????!!!  (kir: Sulispriyanto, Surabaya)

 

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan