Pola Mangan Mari Pasaan
Diposting oleh : Administrator
Kategori: Surabayan - Dibaca: 13 kali

“Rampung pasaan sewulan, awak dhewe saniki bali ndhuk pola mangan normal, lha gae njaga amrih awak tetep sehat awak dhewe kudu isok nata pola makan supayane awak gak kaget barek tetep sehat. Awak dhewe mulai dhahar barek sing ringan-ringan luwih apik mangan sedina ping papat tapi porsi cilik tinimbang ping telu tapi porsi akeh sampek kewaregen niki bakal gawe weteng malah sebah mbedhedheg malah isok kecandhak diare barang apamaneh panganan sing akeh ngandhut lemak. Nek isok ajok dhahar sing manis manis, susu manis, pedhes supaya ora ngganggu kesehatan,” kandhane Ning Sumeh ambek gawe kopi gae bala balane.

“Bener encene Ning, kejaba panganan sing kudu diati-ati uga kudu digatekna penyakit-pe­nyakit sing adate muncul marine pasaan merga brubahe pola mangan, sing kerep muncul niku penyakit diare terus kadhar gula mundhak, asam urat barek kolesterol ya melok mundhak, radhang tenggorokan, darah tinggi, nek tau duwe penyakit kronis ya isok kumat,”  ujare Cak Bedja.

Cak Ari nyambung omongan “Bener dulur, marine pasaan niki dhahar kudu diati-ati temenan utamane kagem para sing yuswane luwih saka seket, bener luwih becik dhahar sethithik-sithik wae senajan kaping papat, utawa aja dhahar dha­haran sing isok micu penyakit sing adate wis di­duweni, aja asal wae. Lha niki sing kudu dijaga, nek carane kene ojok crongohan, dhahar samadya wae. Mari pasaan terus lebaran lha sing arane pa­nganan niku mbok akeh, kena dhahar tapi sader-ma ngicipi wae.”

“Lha ya kuwi adate sok terus lali apa maneh bareng ketemu barek panganan sing disenengi upamane ketemu kupat opor mbok niku kare­manku apamaneh opore iwak pitik kampung aku senengane milih ndhas pitik, karo ngrokoti adate  terus entek akeh-ngerti ngerti kewaregen. Lha niki sing gelek nggarahi weteng dadi gak nyaman. Kejaba kuwi ya pulih sing arane kolesterol barek asam urat mampir,  genep seminggu gak kontrol panganan temen sida ambruk. Nek aku ngarani cara mangan sing terus balas dendam ngono niku kaya arek cilik, lha nek wis umur kaya awak dhewe niki ya kudu isok nata pola makan sing sehat ojok asal,”  kandhane  paklik Dur.

(Sing lagi ngrayakna dina riyaya  : Cak Ali, Cak Bedja, Pak Lik Dur barek Ning Sumeh)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan