Atletik Indonesia Siap Aweh kang Paling Apik kanggo Emas Asian Games 2018
Diposting oleh : Administrator
Kategori: Olahraga - Dibaca: 57 kali

Pengurus Besar Persatuan Atletik Seluruh Indonesia (PB PASI) ngajab para atlete tampil optimal ing Asian Games 2018, utawa paling ora mampu mbaleni oleh-olehane nalika taun 2014.

Ing Asian Games 2014 kang dianakake ing Incheon, Korea Selatan, atletik Indonesia sukses nyumbang medhali emas liwat Maria Natalia Londa ing nomer lompat jauh.

Prestasi iku diajab bisa dibaleni maneh, utawa malah bisa diliwati ing Asian Games 2018 merga Indonesia bakal dadi tuan rumah.

“Kita tansah nyoba nyumbangake kang paling apik” ujare Sekretaris Jenderal PB PASI, Tigor M Tanjung, ing Stadion Madya Gelora Bung Karno, Senayan, Jakarta, Senin kepungkur (4/6/2018).

“Kaya 4 taun kepungkur ing Asian Games 2014, atletik nyumbangake medhali emas siji kanggo Indonesia” jlentrehe.

Tigor nambahake yen ana sawenehing nomer pertandingan kang dadi andel-andale Indonesia ing Asian Games 2018 iki.

Nomer pertandingan kang dikarepake kuwi yaiku lompat lan sprint. Nanging, kabeh gumantung marang persiapane para atlet lan pelatih jroning ngisi wektu ngarepake Asian Games 2018 iki.

Lan minangka persiapan, PB PASI uga mbudhalake para atlete menyang Korea Selatan lan Jepang kanggo melu kejuaraan internasional ing kekarone negara ksb.

Atlet-atlet senior kang dibudhalake menyang Korea Selatan iki saperlu melu Korea Open Athletics Meeting kang bakal dianakake ing kutha Yecheon, Korea Selatan 16-17 Juni 2018 mengko.

Adhedhasar informasi resmi saka Pengurus Besar Persatuan Atletik Seluruh Indonesia (PB PASI), ana 9 atlet Indonesia kang bakal dibudhalake menyang Korea Open, kanthi rincian 7 atlet putra lan 2 atlet putri.

Sauntara kuwi atlet juniore dibudhalake menyang Jepang kanggo melu 18th Asian Junior Athletics Championship ing Gifu, Jepang, tanggal 7-10 Juni 2018. Ing antarane yakuwi Halomoan E Binsar, Idan Fauzan Richsan, lan Jeany Nuraini Agreta.

“Saiki kita wis mlebu masa kompetisi kang satemene. Dadi akeh agenda tryout” ujare Tigor.

“Kita mung melu nomer pertandingan estafet, lompat jauh putra, lari gawang putra-putri, lan tolak peluru putri. Ing kana, kita pengin ngevaluasi asil latihan kita sasuwene iki” tambahe.

Cabang Atletik dhewe ditargetake Kementerian Pemuda lan Olahraga bisa nyumbangake medhali emas 2 ing Asian Games 2018 iki. (d/ist)***

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa