Wali Kota Risma: Gus Ipul lan Mbak Puti Antuk Panyengkuyung saka sakehing Pehak
Diposting oleh : Administrator
Kategori: Yak Opo Kabare - Dibaca: 11 kali

Wali Kota Surabaya Tri Rismaharini sajak gumun kla­wan kahanan rumakete Presi­den Jokowi lan Puti Guntur Soe­karno, Calon Wakil Gubernur Ja­wa Timur, Jumat (1/6) ke­pungkur.

“Nalika maca pawarta iku, aku surprise! Bapak Presiden nuduhake rumakete karo Mbak Puti, putune Bung Karno, sing ngedegake republik iki,” kan­dhane Risma, Minggu (3/6) ke­pungkur.

Risma weruh, kahanan ru­maket iku mbuktekake sepira dhuwure kawigatene Presiden Jokowi marang Mbak Puti Gun­tur Soekarno. “Rumaket ba­nget. Aku percaya, arang kang digatekake kaya ngono dening Pak Jokowi,” ujare Risma.

Sawatara ing pehak liya, Puti dalah Calon Gubernur Ja­tim Saifullah Yusuf (Gus Ipul) lagi berjuwang golek dhawuh­ing rakyat Jawa Timur, ing Pil­kada 2018.

“Kita ngerti lah, kancane Pak Jokowi akeh banget ing Ja­wa Timur. Pimpinan sing ker­jane mempeng, alus solah ba­wane, lan ngayomi kabeh pe­hak. Tanpa kudu dikandhakake, uwong mesthi weruh tujuwan esemane Pak Jokowi marang Mbak Puti,” tandhese Risma.

Wali Kota kebak prestasi iki nambahake, Gus Ipul lan Mbak Puti wis samesthine antuk pa­nyengkuyung saka sakehing pehak. Awit program-program sing arep dikerjakake akeh mu­pangate mungguhing rakyat.

“Aku concern marang pen­dhidhikan. Ndeleng visi-misi Gus Ipul Mbak Puti, mengko bakale SMA/SMK Negeri bisa gratis maneh ing Jawa Timur. Uga murid ora duwe ing se­kolah swasta lan madrasah, bisa nikmati ragad gratis,” jlen­trehe Risma.

 

Kuwajibane negara

Dheweke percaya banget, pendhidhikan mujudake srana kanggo medhot rante kemis­kinan. Anak-anak terpelajar bi-sa terus sinau, luwih-luwih saiki akeh fasilitas bea siswa saka pemetintah apadene swasta.

“Yen pendhidhikan ngang­go bayar, kepriye nasibe anak-anak ora duwe iku? Kepriyeya wae negara kudu tanggung­jawab kanggo nggolekake dalan becike,” tandhese Risma.

Kosok baline, kandhane, klawan pendhidhikan gratis SMA/SMK Negeri, bocah-bocah sing ora duwe bisa duwe arep-arep ing mangsa tembene.

“Dheweke bisa duwe angen-angen, ngimpi kanggo nggayuh dadi wong kasil, kaya bocah-bocah kecukupan liyane. Ya iki sing diperjuwangake Gus Ipul lan Mbak Puti. Aku percaya Presiden Jokowi mireng ngimpi lan angen-angene bocah-bocah Jawa Timur,” ujare Wali Kota wanita sepisanan ing Su­rabaya iki. (Bsh)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan