Lsw 25 / 2018
Diposting oleh : Administrator
Kategori: Layang Saka Warga - Dibaca: 15 kali

Dimen Cepet Apal Lan Nulis Carakan Jawa

Nanggapi LSWne sdl. Soedjijono ing PS nomer 21 tgl. 26 Mei 2018 rada bingung jalaran ing alinea 12 sing tinulis: “Carakan Jawa cacah 20 dak pantha dadi sangang pasang sing wangune aksara meh padha”. Apa ora kleru?? Mesthine rak sepuluh pasang !?

Nuwun sewu! Aku dudu guru/dosen, mung mantan guru SDN. Pendhidhikanku mung saka KGA. Nanging cilikanku biyen ana kelas I diwulang aksara Jawa, bareng munggah kelas II lagi diwulang aksara latin. Dadi ya taneg temenan maca aksara Jawa, ana klas III di wulang nembang. Ditulis ing papan tulis nganggo aksara Jawa. Wacan buku ya aksara Jawa, dadi yen mahasiswa aksara Jawa 20 bae ora apal ya rada kebangeten.

Aku nyengkuyung banget marang panemu panjenengan. Sing dadi pikiranku : saiba becike yen panemu mau bisa sumrambah marang para guru mapel basa Jawa, ing SD, SMP, SMA, llyne Sukur-sukur yen penjenengan kersa nyerat/ngarang buku kasebut.

Sapa ngerti awak lagi beja, kaya mas guru SDN Kapas Krampung sing nemokake teori sing intine “Kg=l=dm3 nganti panjenengane oleh bebana saka sing berwajib.

Wasana mbok menawa ana aturku sing kurang nujuprana, aku nyuwun gunging samodra pangaksama. Nuwun.

M. Ali St., Jl. Gading Karya IV/5 Surabaya

 

Apa Reformasi Wis Ana Asile?

Yen Kebangkitan Nasional wis 110 taun, Sumpah pemuda wis 90 taun, Reformasi wis nggayuh 20 taun. Sing dadi pitakonan, apa Reformasi wis ana asile ?

Mesthi wae wis akeh kemajuan sing diasilake. Nanging kita isih krenggosan ngoyak pertumbuhan lan pemerataan ekonomi, perkara HAM jaman kepungkur uga isih ngganjel durung ana karampungane. Demokrasi uga rada kebablasen. Rehne saiki bebas ngetokake panemu, banjur muncul kanthi sesingidan lan terang-terangan usaha arep ngowahi lan ngguncang Pancasila minangka dhasar negara. UUD 1945 uga wis kaping 4 diamandemen. Demokrasi presidensial kaya UUD 1945, prakteke kok kaya Parlementer.

Ndeleng bab-bab ing ndhuwur, katone saiki asile ya wis lumayan. nanging rasane kahanan saiki isih adoh saka cita-cita luhur, masyarakat sing adil lan makmur. Isih akeh sing kudu kita ayahi, supaya cita-cita Reformasi lan cita-cita luhur bangsa  bisa kagayuh.

Pilkada serentak, pilpres lan pilleg sing kita ajap bisa ngasilake pemimpin sing uga negarawan wae rasane isih durung karuwan bisa kasil, malah keganggu karo ontran-ontran bom bunuh dhiri lsp, lsp. Ayo kita terus makarya, muga-muga Reformasi aja nganti mandheg lan cita-citane dadi mangkrag, bisa ngasilake negara sing sukses. Aamiin !!!

Tugu W.  —  Magelang.

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan