Sl 25 / 2018
Diposting oleh : Administrator
Kategori: Sing Lucu - Dibaca: 32 kali

Maju Mundur

Parno   :       “Ana wong nglakoni gaweyane kudu nganggo maju mundur. Yen rampung krasa seneng lan marem. Coba bedheken?”

Pardi    :       “Kae ta lagune mbak Syahrini. Sing padha nglakoni rak padha melu tari maju mundur, terus seneng.”

Parno   :       “Dudu, isih salah!”

Pardi    :       “Banjur apa ya, kok aku salah terus mbedheke.”

Parno   :       “Kae lho wong gawe barang-barang tenunan, rak maju mundurake mesine. Yen wis dadi, rak seneng lan marem!”

(kir: Pakne Andi, Purwokerto)

 

Tanduran Beton

Plus   :         “Bibit cengkeh 15 wit iki arep koktandur ngendi, Min?”

Min : “Sak jane arep daktandur ing kebon. Kebonne wis dakenggo nandur beton.”

Plus   :         “Harak luwih pikoleh nandur cengkeh katimbang gori?”

Min : “Sing dakkarepake beton cor-coran mbangun omah iki, lho Plus.”  (kir: den Wid, Sleman)

 

Gunggunge Luwih Akeh?

Min : “Luwih akeh endi = Sewu-ewu apa maewu-ewu?”

Plus   :         “Maewu-ewu!”

Min : “Maewu-ewu kuwi = pirang-pirang ewu, durung nganti wilangan yuta. Balik sewu-ewu = 1.000.000.” (kir: den Wid, Sleman)

 

Muni Pisan

Kuncung :    “Mbul, perangane awak sing muni pisan utawa mung sakecap, apa hara?”

Jambul    :    “Ah, nek sing muni pisan thok ya ora ana!”

Kuncung :    “Ana! Manggone ana ing gulu sisih mburi!”

Jambul             :           “Oh, iya! Githok!!!” (kir: Sutrisno Aji, Kebumen)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan