Jinis-Jinis Panganan kang Apik Didhahar Wayah Pasa
Diposting oleh : Administrator
Kategori: Kasarasan - Dibaca: 133 kali

Pasa luwih saka 12 jam pancen marahi badan dadi lemes. Krana kuwi kita kudu tansah aweh kawigaten marang asupan nutrisi supaya pasane bisa lancar. Nanging, kita asring lali ngenani bab iki. Nalika wektu buka, kita luwih nggatek­ake kepriye carane nuruti rasa luwe ngang­go panganan kang maregaké, ketimbang nyukupi nutrisine. Akibate, kegiyatan kita  ing wayah pasa dadi mudhun. Sing maune sigrag dadi lemes krana kekurangan nutrisi. Supaya kahanan kaya mangkono ora du­madi, ana becike yen kita dhahar panganan kaya kang ana ing ngisor iki.

1. Woh-wohan

Konsumi wohan-wohan nalika pasa ora mung marahi seger. Nanging, uga menehi piguna liya kaya ta ngganti elektrolit kang ilang. Kandhutan serate bisa mbantu njaga kadar glukosa sajroning darah mesisan nglancarake pencernaan kita. Kahanan iki ndadekake kita kalis saka bedhegelen uta­wa susah anggone bebuwang. Dene vi­ta­min C-ne apik banget kanggo njaga ke­kebalane badan

Kanggo nyukupi tujuwan ing ndhuwur, kita kudu milih woh-wohan kang ngandhut serat lan vitamin C kang dhuwur, sarta ndu­weni dhaftar glikemik kang endhek.

Dicuplik saka laman WebMD, apel, gedhang, jeruk, stroberi, rasberi, lan pelem klebu woh-wohan kang nduweni serat akeh. Miturut laman umm.edu (University of Maryland Medical Center), wohan-wohan kang  ngandhut vitamin C dhuwur kuwi contone jeruk, kiwi, semangka, ka­tes, grapefruit, pelem, strawberi, lan melon jingga. Dene laman health.harvard.edu nyebutake menawa woh kang nduweni dhaf­tar glikemik endhek yaiku apel, ge­dhang, grapefruit, anggur, peach, jeruk, pir, prune, sarta semangka. Kita bisa kon­sumi kanthi rong cara, didhahar seger uta­wa arupa jus. Mligi kanggo jus, luwih sehat menawa ora ditambahi gula nalika ngejus.

2. Kurma

Kurma pancen kondhang sugih zat fitonutrien, vitamin lan mineral kang apik kanggo kasarasan. Dhuwure kandhutan serat ing woh kurma nduweni piguna kang­go nyegah usus ngisep lemak jahat mesi­san ngrangsang sekresi lan ningkatake ge­rak peristaltik usus kang nyurung kotoran nuju dubur (anus). Cara iki kang marahi proses BAB (buang air besar) dadi lancar lan ngadohake kita saka gangguan angel bebuwang.

Kurma uga sugih glukosa, fruktosa, lan sukrosa. Krana kuwi konsumsi kurma bisa ningkatake energi kita kanthi cara instan. Parandene, konsumsi kurma ora marahi gula darah kita mundhak, jalaran indeks glikemik kurma kang endhek. Contone, kurma Fara’d, Lulu, Bo ma’an, Dabbas, lan Khalas. Dicuplik saka laman NCBI (National Center for Biotechnology Information), Juma M. Alkaabi lan kanca-kancane, kali­mane jinis kurma mau nduweni indeks glikemik endhek lan ora marahi kadar gula darah dadi mundhak mungguhing kang ndarbeni  diabetes.

Miturut laman Nutrition And You, kur­ma sugih kandhutan kalsium, mangan, tembaga, lan magnesium. Kalsium ndarbeni piguna kanggo nyegah kropose balung lan metune rah ing perangan gusi, nglancarake peredaran darah, marahi luwes otot, ngak­tifake pankreas, nganti ngedhunake resiko kena penyakit jantung lan kanker usus. Mangan dhewe uga wigati kanggo mben­tuk tulang, jaringan ikat, faktor pembekuan darah, melu nyengkuyung proses meta­bolisme lemak lan karbohidrat, sarta wigati kanggone fungi otak dan saraf. Sauntara kuwi, tembaga migunani kanggo pertum­buhan, stimulasi otak, nyegah penuaan dini, ndandani jaringan ikat, rambut, dan mripat, nganti produksi sel darah merah. Dene magnesium ndarbeni piguna supaya wirama ketege jantung lan tekanan darah  tansah normal, sarta marahi balung dadi kuat. Kanthi sakehing piguna kasebut, mula konsumsi kurma ing wulan pasa sajak diprayogakake banget.

 

3. Kacang-kacangan

Kacang-kacangan kayadene almond, hazelnut, walnut, pistachio, lan kacang brol klebu sumber pangan kang sehat. Ing njerone kacang-kacangan mau ngandhut vitamin, protein, mineral, sarta antioksidan kang dibutuhake dening badan kita. Kan­dhutan lemake kagolong dhuwur, nanging migunani kanggo badan awit klebu lemak tak jenuh (unsaturated fat). Dise­butake dening laman Mayo Clinic menawa lemak tak jenuh tunggal (monosaturated fat) dan lemak tak jenuh ganda (poly­saturated fat) saka kacang-kacangan sa­guh ngedhunake kadar kolesterol jahat. Dene serat lan proteine marahi kita ngrasa wareg nganti suwe. Saengga ora gampang luwe nalika pasa.

Ewasamono, anggone dhahar uga kudu diwatesi. Miturut laman WebMd, sa­ben dinane cukup sak ons  bae, iki wus bi­sa menehi manfaat kanggone kesehatan. Ana apike yen nalika dhahar kacang ora usah dicampur karo panganan kang rasane legi utawa asin. Sebab, campuran mau malah gawe akibat kang ala. Supaya tan­sah sehat, kacang-kacangan kang kita dha­har apike dipanggang tanpa uyah lan lenga.

4. Daging sapi, ayam, iwak, dan endhog

Protein saka daging sapi, ayam, en­dhog, lan iwak bisa marahi kita luwih suwe wareg. Saengga ora gampang lemes lan luwe sanajan sedina ora klebon apa-apa. Kekaba kuwi, protein hewani uga mbi­yantu lan ngapiki jaringan kang rusak, mesisan gawe kebale badan kita. Nanging, kang kudu tansah digatekake, yen kita dhahar daging diprayogakake milih daging kang ora ana lemake. Contone, ayam tanpa kulit lan daging fillet tanpa lemak. 

5. Beras, kenthang, tela rambat, jagung

Beras, kenthang, tela rambat, dan jagung  klebu sumber karbohidrat kom­pleks kang dibutuhake badan, utamane ing sasi Ramadhan. Karbohidrat mau bakal dadi energi kang migunani kanggo nyeng­kuyung kegiyatan fisik kita. Ora kaya karbohidrat sederhana, konsumsi kar­bohidrat kompleks iki luwih maregi krana proses mecahe enegi ing njero badan mbutuhake proses kang suwe. Banjur ke­priye karo beras putih kang saben dina kita dhahar?  Beras putih kagolong karbohidrat sederhana kang luwih gampang dipecah. Saengga rasa luwe luwih gampang teka dibandhing dhahar beras merah, kenthang, tela rambat lan jagung. Kanggo ngimbangi, asupan protein sarta serat saka woh-wohan lan sayuran kudu ditambahi.

6. Sayuran seger

Sayuran klebu sumber pangan kang kalori lan lemake endhek, nanging dhuwur nutrisi lan serat-e. Dhahar sayur ing wayah pasa ora mung marahi wareg, nanging uga mbiyantu lancare pencernaan kita. Dene kandhutan antioksidan sajrone sayuran kanggo njaga kekebalane badan kita.

7. Banyu

Sasuwene pasa, mlebune banyu ing njero badan pancen kurang. Bab iki marahi kita dadi gampang kesel nalika nglakoni pasa. Supaya tansah seger, kita kudu ngunjuk banyu akehe wolung gelas sedina. Rong gelas nalika buka, petang gelas sakwise taraweh nganti arep turu, lan rong gelas maneh nalika saur. Luwih apik banyune biyasa bae, tegese dudu banyu es. Sebab banyu es malah marahi weteng perih. Nuwun. n

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa