Riyayaan
Diposting oleh : Administrator
Kategori: Surabayan - Dibaca: 21 kali

“Syukur Alhamdulillah pasa Ramadhan sewulan wis isok kelakon khusuk, gak muk pasa, tapi ibadah ibadah liyane ya isok ditindakna, sing biasane maca Al Quran sewulan muk khatam pisan ndhuk Ramadhan niki isok ping pindho, sembahyang tahajud ya isok luwih akeh dilakoni, traweh ya gak gothang, shodaqoh ya luwih akeh tinimbang biyasane, kabeh niku muk saking kepengine isok nampa sih katresnane Gusti Allah sing luwih akeh. Nek isok ditresnani barek Gusti Allah in­syaallah sing arane urip niki gak katene kapiran mergane sadina-dinane wis jinungkung barek Gusti Allah, pitu­lungan mesthi onok ae rejeki ya mesthi gak katene pedhot. Akeh sethithike rejeki niku asline ya laras barek kebutuhane awak dhewe, bandha gak perlu ditumpuk, gak wurung engkuk ya muk ditinggal sem­prung. Sing penting kabeh butuhe awak dhewe niki isok dikabulna barek Gusti Allah,” kandhane Ning Sumeh ambek ngetokna jajan bada.

“Iya Ning sepuranen aku ya, nek onok luputku, ka­dhang awak awak niki omong kebablasen ya ojok dadi ati. Muga muga ae ibadahe awak dhewe niki sadawane Ramadhan kabeh entuk ridhane Gusti. Apa se sing digoleki urip niki nek gak ridhaNe Gusti Allah,” tambahe Cak Bedja.

Cak Ari melok omong “Iya bener dulur, encene urip niku diprentahna gae nyembah ndhuk Gusti Allah, artine nindakna kabeh prentahE barek ninggalna kabeh laranganNE, urip ndhuk tengah masyarakat ya kudu isok srawung sing gawe senenge ati sapadha, nek isok koyok ngono urip niki onoke mung tentrem. Tapi nek awak dhewe nuruti hawane napsu terus ma­nut barek ojok ojokane syetan ya polih nggarahi urp niki muk umek terus.”

“Ya niku dulur, encene perkara wong niku ndhuk donya isok urip apik artine manut dhawuhe Gusti niku ya gak kabeh padha nindakna, muk wong sing entuk ridhane Gusti ae sing isok nindakna kabeh dhawuhe Gusti. Awak dhewe gak isok meksa wong duwe kela­kuwan sing apik kabeh, masiya dituturi koyok apa nek durung entuk pitulungaNe Gusti gak katene isok ma­nut, engkuk manut dhilik wis balik asal maneh. Terma­suk awak dhewe dhidhik anak, muk arane wong tuwa niku ndhidhik anak kudu dibarengi barek doa supayane Gusti Allah paring hidayah ndhuk arek-arek niku. Merga dongane wong tuwa gae anake niku ya banget diper­ha­tekna barek Gusti. Ajok muk dituturi tah diseneni. Dulur sepurane kabeh dosane bala Rujak Cingur, njaluk sepura lair sampek batin, muga-muga ndhuk dina sing bakal teka rahmat barek hidayahe Gusti Allah tansah ngluber ndhuk awak dhewe,” kandhane paklik Dur.

(Sing ngaturna Sugeng Ariyadi Fitri nyuwun sepura lair trusing batin : Cak Ali, Cak Bedja, Pak Lik Dur barek Ning Sumeh)

 

 

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan