Atlet Layar Riau Tetep Latihan Senajan Pasa
Diposting oleh : Administrator
Kategori: Olahraga - Dibaca: 48 kali

Pasa dudu pepalang kanggone atlet layar Riau jroning nindakake latihan fisik. Mula sasuwene pasa, atlet layar Riau tetep nindakake latihan.

“Sasuwene wulan pasa intensitas latihan atlet kita kurangi saka dina biasane” ujare Ke­tua Umum Porlasi Riau Fivetrio Sulistino.

Sabanjure, wektu latihane, ujare priya kang akrab diundang Lilik iku, uga dikurangi saka wektu biasane. “Iki merga atlet kita ora bisa kudu suwe-suwe ing segara lan srenge­ngene panas banget” imbuhe Lilik.

Latihan kang ditindakake iku, tambahe Lilik, mujudake gandhengan Traning Center (TC) atlet kang digelar Porlasi Riau sajege wulan Maret kepungkur.

“Nganti saiki TC isih mlaku lan bakal terus mlaku nganti Kejurnas layar ing Venue Asian Games Ancol Barat, Jakarta” jlentrehe Lilik.

Atlet kang melu TC, bacute, kira-kira 15 nganti 20 atlet. “Dadi kanggo ngukur kemampuan lan kesiapane atlet, awal Mei kepungkur kita nindakake Try out (TO) utawa uji coba menyang Batam, Kepulauan Riau (Kepri)” panutupe Lilik.

 

Emilia Nova Paling Ngarep ing Lari Gawang

Sauntara kuwi, atlet Emilia Nova bakal dadi andel-andele Indonesia ing nomer 100 meter lari gawang putri ing Asian Games 2018 mengko. Umure isih enom, lan dheweke mujudake atlet kang paling apik dinane iki.

Emil ganep umur 23 taun tanggal 20 Agustus mengko. Senajan isih enom banget lan durung nduweni pengalaman akeh, nanging Emil dadi lapis pertama pelatnas atletik.

Kanthi nduweni bandha kanggo tampil ing rong nomer, saptalomba lan 100 meter lari gawang, Emil saiki bakal fokus marang sak nomer wae. Yaiku dheweke bakal tampil ing 100 meter lari gawang putri.

 

Ngerigake 5500 seniman

Sauntara kuwi upacara pembukaan lan penutupan Asian Games 2018 kang bakal dianakake ing Jakarta tanggal 18 Agustus lan 2 September bakal ngerigake 5.500 pengisi acara, saliyane para musikus, penari, lan penata busana.

Deputi II Bidang Administrasi Pertandingan Panitia Pe­nyelenggara Asian Games 2018 (INASGOC), Francis Wa­nan­di, ngandhakake upacara pembukaan lan penutupan Asian Games iku kudu mepaki standar Olimpiade utawa Asian Games, merga bakal disiarake ing 45 negara Asia lan negara-negara ing benua liyane kayadene Amerika Latin.

INASGOC, bacute Francis, bakal ngentekake anggaran kurang luwih USD55 yuta utawa kira-kira Rp 700 miliar kanggo upacara pembukaan lan penutupan Asian Games 2018 iki.

Pengarah Kreatif Upacara Pembukaan lan Penu­tupan Asian Games, Wishnutama, ngandhakake yen kegiatan upacara iki bakal nampilake unsur budaya lokal Indonesia kang diselarasake karo perkembangan jaman saengga isih relevan ditampilake marang ma­syarakat.

“Asian Games iki dudu mung saderma gelaran pertandingan olahraga nanging uga daya tarik kang mongkogake saka Indonesia” ujare Wishnutama.

(d/ist)***

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa