LSW 24 / 2018
Diposting oleh : Administrator
Kategori: Layang Saka Warga - Dibaca: 25 kali

Hallo Para Sutresna PS

Katur kadangku kabeh bae, saka muda tumekane kang wis yuswa. Para sastrawan/pengarang, pemaos Panyebar Semangat ing saindening Nuswantara kang dak tresnani lan dak kurmati kabeg bae.

Ing sasi Romadhon kang suci, kebak pengampunan saka Gusti Kang Maha Asih iki, Mbah Brintik ngaturake “Sugeng Nindakake Ibadah” nurut ajaran Allah, ya Pasa Ro­madhon. Solat Traweh lan ibadah liyane marang penjenengan sami. Muga-muga ibadah penjenengan sami diparingi berkah rakhmat sarta hidayah saka Allah Kang Maha Murah. Amin, amin, amin, YRA. Uga tumekane dina berkah ing Idul Fitri mengkone, Mbah Brin­tik mesisan ngaturake “Sugeng Riyadi”, muga panjenengan sami tansah pinaringan bagya mulya, kesinungan rejeki deres, samubarang kang pantes, tansah lancar sa­mu­barange, amin, amin, yarabalamiiin…

Ora lali uga, muga panjenengan sami anggone nindakake jejibahan luhur, tansah mbudidaya lestari sarta ngrembakane BASA-SASTRA-BUDAYA JAWA, tansah lumaku cran­cang, sarta bisa nggayuh kasuksesan, amin, amin, yarabalamin. Ora liwat Mbah Brintik nyadhong sewu duduka, yen ta ana klera-klerune ucap apa tumindak marang penjenengan sami, nalika srawung. Ora liwat, “MENYANG POPOH TERUS NYANG SENGKALING-SENAJAN ADOH NING TERUS ELING” 

Mesisan Mbah Brintik uga ora lali ngaturake: “SUGENG AMBAL WARSA SANGGAR TRIWIDA KA-38. MUGA-MUGA GUSTI ALLAH TANSAH PARING BERKAH SARTA RAKH­MAT HIDAYAH, TANSAH SUMUNAR GEBYAR-GEBYAR WAAAHHH”. Nuwun.

Mbah Brintik-Kepanjen

 

Isi Dudu Tanggung Jawab PS

Katur marang para sutresna / pamaos PS kang dahat kinurmatan. Matur nuwun atas kawigaten panjenengan sami dene nganti seprene tansah setiya langganan lan maos PS. Gandheng anane sawetara tanggapan lan lapurane para kadang bab ES (Easy Shopping) sing masang iklan ing kalawarti kita. Bisa kita aturake yen PS ora melu campur tangan bab isi lan managemen ing iklan ES mau ateges PS minangka pemuat  iklan mau ora melu tanggung jawab bab isine iklan.

Mula para sutresna kang ana masalah karo ES, kita aturi sesambungan langsung marang ES. Kita ambali, isi iklan dudu tanggung jawab PS.

Kita uga nyuwun pangaksama dene saperangan para sutresna wis dadi kurang rena lan kurang pekoleh marga iklan kasebut. Nuwun.

Redaksi

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan