Wulan Bonus
Diposting oleh : Administrator
Kategori: Surabayan - Dibaca: 70 kali

“Alhamdulillah pasa wis entuk separo luwih, artine awak dhewe yen encene nindakna prentahe Gusti temenan, wis entuk bonus ganjaran sing akeh awak dhewe gak isok dietung, merga ganjarane wong pasa niku Gusti Allah dhewe sing bakal peparing, luwih-luwih engkuk awak dhewe isok entuk Lailatul Qodar, sing sapa ngibadah ing saat iku ganjarane koyok nindakna ibadah sewu wulan. Padahal uripe menungsa arang sing isok nyandhak sewu wulan, artine ganjaran ndhuk Lailatul Qodar niku isok gae nutup kesalahan sing wis ditindakna selawase urip, bayangna sampeyan urip sewu wu­lan, tanpa dosa  muk ngibadah thok, mbok ganja­rane wis gak isok dietung, artine isok gae nutup kesalahan awak dhewe niki ndhuk taun-taun sa­durunge, dadine engkuk nek awak dhewe  ditimbang amal apik barek aleke isok ketutup merga awak dhewe entuk Lailatur Qodar. Nek awak dhewe ngerti wayahe awak dhewe kudu nggethu telek sing arane Lailaul Qodar, sing manut para alim tumurune ndhuk malem likuran,” ujare Ning Sumeh ambek nyiapna takjil gae bala-balane.

“Encene manut ustad malem Lailatul Qodar niku  malah tiba ndhuk likuran ganjil nah niku awak dhewe isok ningkatna ibadahe ndhuk malem tanggal tanggal niku, tahajud, maca Al Qu’an, iktikaf, sho­daqoh barek liya liyane maneh,” tambahe Cak Bedja.

Cak Ari nambahi “Terus onok tandha tandha maneh lha pas malem niku langit ketok cerah gak onok mega swasane adhem lintang masiya gak onok mega tapi katone redhup lan terus awane ha­wane ya seger gak krasa panas nemen.”

“Nah wong sing entuk Lailatul Qodar niku nek prasaku ya niku wong sing entuk rohmat hidayahe Gusti Allah, dadine marine, wong niku sedina-dinane onok perubahan sing signifikan, dadi tambak apik srawunge barek tangga teparo, luwih loma ibadahe tambah mempeng, sing maune sekali-sekali nang mesjid terus dadi gak nate absen terus sholat ndhuk mesjid limang wektu, tindak-tindake sing nglewar saka agama wis ditinggal kabeh, pokoke wong niku dadi wong sing apik temenan ibadahe khusuk. Niku aku baru yakin nek dheweke entuk Lailatul Qodar, pinilih dadi ahli suwarga,” imbuhe  paklik Dur.

(Sing kepengin oleh Lailatul Qodar: Cak Ali, Cak Bedja, Pak Lik Dur barek Ning Sumeh)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan