Berkahe Tol Laut
Diposting oleh : Administrator
Kategori: Banyumasan - Dibaca: 73 kali

Awan kuwe Kaki Bawor agi jagongan dopokan karo pak Priyanto sing pangsiunan PNS nang teras ngarep umahe. Ke­beneran Mas Gatot sing bukak warung internet nang pojokan gang, liwat, weruh sing agi padha jagongan, terus baen ngunclug marani. “Lha, kebeneran pak Priyanto ketemu nang kene, miki jane inyong garepan sowan maring dalem,” omonge mas Gatot karo nggered kursi melu jagongan,

“Seh.. yah mayuh, ana perlu wigati apa?” takone pak Pri­yanto.

“Eh, penting banget si ya ora. Nang kene baen ya ora apa-apa mumpung ketemu. Nuwun sewu Ramane, inyong nyelani, garep perlu matur karo pak Priyanto kiye,” ujare mas Gathot maring Kaki Bawor.

“Seh. Ya mangga. Nek garep ngomong rahasia ya nganah omong-omongan nang njero ngumah baen,” saurane kaki Bawor karo manggakaken.

“Dudu rahasia, Ramane. Inyong garepan nyuwun pirsa, apa putrane pak Priyanto egin ana sing nyambut gawe nang Jaya­pura, kepriwe kahanane saiki?” takone mas Gatot maring pak Priyanto.

“O, esih, si Ragil. Anu kepriwe si?” takone pak Priyanto ne­gesaken.

“Anake inyong sing mbarep, entuk panggilan kerja nang Jayapura, seminggu maning kudu mangkat, Lha, biyunge bocah kabotan, kuwatir mbokan nganti uripe nang kana malah rekasa.”

“Ah, ora susah kuwatir. Jaman sekiye nyambut gawe nangendi baen ya padha. Toli agi jaman ganu, pancen nang kana apa-apa sarwa larang. Berkahe ana program Tol Laut, saikine rega- rega kebutuhan pokok nangendi nggon meh padha, umpamane kacek ya ora sepiraa,” kandhane pak Priyanto ngeyem-eyemi Mas Gatot.

“Iya, bener kuwe Pak Pri, kayong durung suwe inyong krungu nang wulan April wingi, Plt Gunernur Jawa Tengah Bapak Heru Sudjatmoko nembe baen ngresmekaken Tol laut jalur Selatan Jawa, nang Cilacap,”- kandhane kaki Bawor karo nyumet udude,-”Peresmiane ditandhani karo pelepasan pelayaran perdana KM Bintan Utama kanggo miwiti ngrintis Tol Laut jalur Selatan Jawa, sekang Cilacap maring Banyuwangi terusan maring Celukan Bawang Bali. Jare ngendikane Pak Heru, rintisan Tol Laut kuwe genah bisa ngirit wektu lan biaya angkutan barang.”  

“Iya bener, kang Bawor. Sing genah teyeng dirasakaken, kejaba regane BBM nangendi  nggon padha, rega semen nang Jayapura kana, ya meh padha karo nang kene. Mulane anake inyong saikine wis teyeng gawe umah dhewek, ya ora apik banget, tapi ya pantes lah. Malah tiwas kebeneran, angger anake mas Gatot  gelem, ben manggon bareng karo si Ragil anakke inyong, ngiras ngancani, wong si Ragil esih bujangan, durung gelem rabi,” pak Priyanto gole ngomong kayong se­mangat banget.

Klilan.

 

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan