Ngrebut Piala Thomas Maneh, China Nebus anggone Ngenteni 6 Taun
Diposting oleh : Administrator
Kategori: Olahraga - Dibaca: 33 kali

China wusanane bali ngrebut Piala Thomas sawise ngalahake Jepang kanthi skor 3-1 ing partai final kang dia­nakake Minggu 27 Mei 2018 kepungkur. Keme­nangan ksb mesisan nebus anggone ngenteni suwene nem taun supaya bisa nyekel maneh trofi Piala Thomas.

Iki dadi gelar ka-10 kanggone China jroning sejarahe tampil ing Piala Thomas. Sing keri dhewe China oleh trofi Piala Thomas nalika taun 2012. Sauntara kuwi ing taun 2014, gelar juara dicekel Jepang, disusul Denmark taun 2016.

Pelatih Tim Tunggal China yakuwi Xia Xuanze ngaku mongkok bisa dadi bagian saka sejarah badminton negarane. Sadurunge, nalika dadi pemain dheweke tau mboyong Piala Thomas taun 2004.

Kemenangan China saka Jepang iki ora luput saka kemenangane Shi Yuqi kang tampil ing partai katelu. Kanthi ngalahake Kenta Nishimoto kanthi skor 21-12 lan 21-17, Shi kasil ndadekake kaunggulan China 2-1 atas Jepang.

Sauntara iku kemenangan loro China liyane dipethik dening gandha-gandha putrane yakuwi Zhang Nan/Liu Cheng lan Li Junhui/Liu Yuchen. Dene siji-sijine kekalahan China dialami Chen Long nalika ngadhepi Kento Momota.

 

Cathetan Ala Indonesia ing Piala Thomas 2018

Piala Thomas mujudake sawijining kejuaraan bulu tangkis tingkat dunia kang digelar khusus kanggo para wakil tunggal lan gandha putra.

Kejuaraan Piala Thomas digelar saben rong taun sepisan kanggo nampilake para pemain bulu tangkis paling apik saka saben negara kang melu.

Fakta nengsemake saka gelaran Piala Thomas iki yakuwi pranyata skuat putra Indonesia durung tau menangi Piala Thomas sajege 16 taun kepungkur.

Bener wae, tim putra Indonesia paling keri dadi juara ing ajang Piala Thomas nalika taun 2002. Nalika iku, tim Indonesia sempat ngalami taun-taun kang manis kanthi nyandhang status juara ora tau kalah.

Sasuwene kaping lima gelaran Piala Thomas, persise taun 1994, 1996, 1998, 2000 lan 2002 Indonesia sukses dadi juara. Bab iku uga ora luput saka gemilange permainan Hendrawan cs jroning mbela skuat Indonesia.

Nanging, sawise taun-taun nyenengake mau, Indonesia gagal terus dadi juara maneh ing Piala Thomas.

Denmark dadi tim pertama kang medhot rante juara Indonesia ing semifinal nalika taun 2004. Nalika iku Indonesia teluk 3-2 saka Denmark kang sabanjure Denmark uga kalah saka China ing partai final.

Senajan bola-bali bisa tampil ing semifinal lan uga final sawise taun 2004, prayata Indonesia durung sanggup mbaleni masa kajayane maneh  ing Piala Thomas.

Taun 2018 iki Piala Thomas digelar ing Bangkok, Thailand, lan Indonesia wis ngedhukake wakil-wakile kang paling apik ing ajang rong taunan mau. Nanging, para wakil Indonesia sepisan maneh gagal dadi juara ing kajuwaran Piala Thomas. Para wakil putra Indonesia kandhas ing tangane tim China kanthi skor 1-3.

Nanging senajan gugur ing ajang kajuwaran Piala Thomas 2018, para wakil putra Indonesia ora oleh putus asa merga isih ana kejuaraan liyane kang ngenteni.

Sing wis katon mata, tim Indonesia bakal siap-siap ngadhepi gelaran kang ora kalah gedhene karo Piala Thomas 2018, yakuwi Asian Games 2018. (d/ist)***

 

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan