Megaproyek Joyoboyo Dibangun Agustus
Diposting oleh : Administrator
Kategori: Yak Opo Kabare - Dibaca: 69 kali

Proyek gedhong parkir lan terminal intermoda Joyo­bo­yo minangka proyeke Pem­kot Surabaya saiki sing paling larang dhewe. Ragad sing wis ditetepake kehe Rp 211,8 miliyar iki kanggo mujudake sarana prasarana trem. Pe­me­nang lelange kanggo mu­judake pusat transportasi Su­rabaya iku uga wis ana.

Ketua Komisi C DPRD Su­ra­baya Syaifuddin Zuhri na­kokake bacute proyek kasebut ing evaluasi catur wulan (ca­wu) wiwitan 2018 marang di­nas perhubungan (dishub). Se­bab, proyek kasebut taun kepungkur klakon gagal.

“Kepriye bacute proyek ka­sebut?,” pitakone politikus PDI Perjuangan iki.

Ipuk, paraban akrabe Sya­ifuddin, uga nakokake proyek trem. Dheweke sajak kuwatir proyek kasebut ora bisa mla­ku. Sebab, dheweke ngang­gep antarane Pemerentah Ko­ta Surabaya lan Pemerentah Provinsi Jawa Timur durung ana kecocogane.

Manut Syaifuddin, mung Pemkot Surabaya sing merju­wangake proyek kasebut, sa­engga anggaran saka pusat angel mudhune. Kadishub Su­rabaya Irvan Wahyudrajad ne­rangake, dheweke isih du­we pangarep-arep becik (op­timis) kanggo mujudake pro­yek trem iki.

Anggarane bakal nganggo APBD. Nanging, jalur sing di­garap mung tahap I saka Terminal Joyoboyo menyang Tunjungan.

Ngenani proyek terminal intermoda, Irvan ngandhak­ake yen pemenange proyek nembe wae ana. Proses le­lang kasebut dibukak wiwit sasi Pebruari kepungkur.

Proyek iku bakal dikerjak­ake jroning rong taun utawa multiyears contract. “Wis di­te­tepake. Sasi iki tandha ta­ngan kontrak, sasi ngarep DED (detail engineering design, Red),” kandhane priya lulusan Institut Teknologi Sepuluh No­pember (ITS) Surabaya ka­sebut.

Dheweke nambahake, pe­nyusunan DED ditindakake engga telung sasi suwene. Pe­ngerjaan fisik-e nembe ka­wiwiti Agustus. Nalika pelak­sanaan pembangunan iku mengko, pemkot migunakake terminal intermoda iku mi­nangka pusat transportasi.

n (Bsh)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan