LSW 23 / 2018
Diposting oleh : Administrator
Kategori: Layang Saka Warga - Dibaca: 72 kali

Buku Antologi Cerkak Kadurjanan

Atur uninga kagem sutresna majalah Panjebar Semangat, mliginipun pandhemen waosan basa Jawi karyanipun Tiwiek SA, Sampun kababar buku anggitanipun ingkang paling enggal (2018) arupi Antologi Cerkak Kadurjanan sesirah KLAMAT kanthi Data buku:

-     Ukuran buku           = 21x14.5 cm

-     Kandeling buku                 = 274 kaca.

-     Cerkak ingkang kapacak    = 20 naskah

Kagem sutresna ingkang ngersakaken mundhut, saged sesambetan alamat kula (mawi SMS) ing ngandhap punika:

Suwignyo Adi

Karangtalun RT 04/RW 03 Kalidawir, Tulungagung (Jatim)

HP 081 331 142 399

 


Pengin Andarbeni Buku “Dalane Uripku”

Aku sawijining pelanggan PS kang wis suwe banget, nganti aku kenal rumaket karo TU PS (Mbak Sri). Sajege Sdl. Dr. Suprawoto, SH. Msi (e-mail saka Jakarta) lan Sdl. Gunarso TS (tulup dikethèk) ngenani / nulis ing PS saka rumangsaku PS teka tambah se­mangat.

Muga-muga priyantun loro kasebut tansah pinaringan bagas kesanasan lan panjang yuswa!! Amin, ya robbil alamin! Alhamdulilah senajan umurku wis kepala sanga isih pinaringan bisa maca / langganan PS kinasih.

Redaktur PS kang kinasih perlu kawuningan dinane iku aku nandhang roga: wis telung taun luwih dadi kembang amben, mula kanthi renaning penggalih aku nyuwung tulung, kersowa ngusahakake buku “Dalane Uripku” autobiografi-ne Sdl. Dr. Suprawoto, SH.Msi.

Sapa ngerti bisa dadi usada anggonku nandhang raga. Sadurunge aku ngaturake matur nuwun marang kawigatosanipun. Marang Sdl. Gunarso TS kang nembe karoban kamulyan, aku ndherek mangayubagya marang penganten sekaliyan. Muga-muga tansah atut rukun kadya mimi lan mintuna nganti kakèn-kakèn ninèn-ninèn.

Aku kang lagi nandhang roga

M.Ali Soeparmantoro

Jl. Gadingkarya IV/5 —Surabaya-60134

 

· LSW iki katerusake marang Bpk. Dr. Suprawoto, SH. MSi. Red.

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan