P I L
Diposting oleh : Administrator
Kategori: Sing Lucu - Dibaca: 208 kali

Basa Krama

Pak Guru mlebet kelas banjur ngendika marang murid-muride.

Pak Guru : “Bocah-bocah saiki wulangan basa dhaerah ngrembug bab basa krama.”

Murid-murid :        “Inggih pak guru.”

Pak Guru : “Coba ukara iki kramakna nganggo krama alus sing bener.”

Murid-murid :        “Inggih pak guru.”

Pak Guru : “Bapak turu, aku adus. Coba Budi kramakna sing bener.”

Budi mikir-mikir banjur matur,

Budi         : “Bapak sare kula siram.”

Pak Guru : “Lho apa ora mesakne, wong bapak lagi sare kok disiram. Rak ya kebloh kabeh.”

Pak Guru ngendika karo mbujeng. Murid sakelas ngguyu kabeh. (kir: Nini Io Ponorogo)

 

Kuping

Parno :        “Kuping yen dijewer utawa dicengkiwing mesthi krasa lara. Ana lho sing ora ngrasakake lara.”

Pardi   :        “Wis tak coba, kupingku tetep krasa lara?”

Parno :        “Kae lho kuping panci!  (kir: Pakne Andi, Purwokerto)

 

Tangan

Parno :        “Upama aku nabok/ngaplok, rak tanganku sing lara. Nanging iki ora?!”

Pardi   :        “Sing ngrasa lara ya sing ditabok ta!”

Parno :        “Kae lho nabok nyilih tangan.”

Pardi   :        “Ooo, jebule paribasan?!”  (kir: Pakne Andi, Purwokerto)

 

Bokong

Parno :        “Ana unen-unen obah bokong, obah kanthong.”

Pardi   :        “Kuwi tegese, yen duwe karep, kudu metu dhuwit!”

Parno :        “Yen iki ora, malahan nampa dhuwit.”

Pardi   :        “Ya mesthi wae, sing obah bokonge jarane, amarga kon mlayu, sing nampa dhuwite kusire, ya ta?!”  (kir: Pakne Andi, Purwokerto)

 

P I L

Parno :        “Wong lara mertamba, dokter maringi obat pil. Nanging ana lho, pil sing marahi ribet?”

Pardi   :        “Mbok manawa pil ekstasi, kae?!”

Parno : “Isih salah! Sing bener Pilpres, Pilkada sing ribet wong sa-Indonesia!”

Pardi    :           “Oh iya, bener lho! Kok lali aku, wis meh wancine jare!”  (kir: Pakne Andi, Purwokerto)

Berita Terkait

img

Samak Minggu Ini

img

img

Sumber Semangat

Yen kowe ma­ngerteni anane watu cilik ing da­lan kang kira-kira ngganggu wong liya, mula singkir­na… Sapa ngerti iku dadi sebab di­gangsarake da­lan­­mu nuju su­warga.

Klik

JEBAKAN PIKIRAN

Atusan wedhus kanthi tertib metu saka kandhange (ranch) ngliwati regol gerbang, mangka ing kandhange mau ora ana pager kang matesi lakune. Ujare ngakeh, iki sing diarani ‘jebakan pikiran’. (d/ist)***

Pethilan

Jokowi karo keluarga ing kebun raya Bogor

Rukun agawe santosa crah agawe bu­brah.

Dibutuhake panggung interaksi kang toleran

Panggung kampanye malah ana in­toleran.

Korupsi mbegal karaharjane rakyat

Metu pakunjaran wae koruptor isih raharja.