Carane Golek Dhuwit liwat Youtube
Diposting oleh : Administrator
Kategori: Aiti - Dibaca: 118 kali

Youtube saya suwe saya fenomenal wae, lan dadi alternatif hiburan kanggone wong akeh ing saindenging donya iki. Apamaneh para kreator video ora mung oleh ketenaran wae, nanging uga bisa oleh dhuwit saka kene.

Dhuwit sing bisa dikumpulake pranyata uga ora tanggung-tanggung. Akeh YouTuber kang bisa oleh dhuwit nganti milyaran rupiah sesasine. Kanca-kanca kang penasaran lan mbokmenawa pengin melu nggabung ing jagading youtuban uga isih jembar kalodhangane lo. Nanging ing antarane kanca-kanca mbokmenawa isih ana sing padha durung mudheng, piye ta carane golek dhuwit liwat Youtube kuwi, ing ngisor iki ana 6 carane. Ing antarane yakuwi;

 

1. Iklan

Kayadene layanan liyane, YouTube uga dipepaki karo sistem iklane dhewe.

Kanca-kanca mesthine ngerti, nalika nonton sawijining video ing YouTube, ing awal video mau bakal katon iklan kanthi durasi singkat.

Utawa yen video ksb cukup dawa, kanca-kanca uga bakal katon iklan maneh ing bagian tengah video.

Nah, iklan ksb kuwi kang dadi salah sijine sumber pengasilane wong sing duwe channel.

Dadi, yen kanca-kanca pengin dadi YouTuber, cara pertama kang bisa mbok coba supaya oleh dhuwit yakuwi lumantar iklan.

Kawitan, kanca-kanca perlu nggawe sawijining channel kanthi jumlah subscriber minimal wong 1000, jumlah tonton luwih saka 4000 jam. Iki mujudake salah sijine syarat kang perlu dipepaki amrih bisa ndaftarake monetasi YouTube.

Sawise channelmu pancen pantes dimonetasi, mengko akun YouTubemu bakal dihubungake karo AdSense.

Yen wis mangkono, ya saka kene iki bakal muncul iklan ing saben video YouTubemu. Pengasilanmu bakal gumantung banget marang total view saka video-video sing mbok gawe.

Mula kuwi pesthekna, kanca-kanca yen nggawe video sing menarik lan bakal akeh digoleki wong. Kanthi mangkono pengasilanmu ing Youtube uga bakal saya gedhe. (gbr 2)

 

2. Mapanake Produk ing Njero Video

Mapanake produk ing njero video mujudake salah sijine cara lawas kanggo golek dhuwit saka Youtube. Dadi, sing bakal mbayar mengko dudu Youtube, nanging wong sing duwe produk (sing pasang iklan).

Dadi cara kerjane cukup simpel. Ing video kang mbok gawe, kanca-kanca bakal nyeleh sawijining produk. Upamane laptop, utawa tv kanthi merk tinamtu.

Perusahaan sing duwe merk mau kang bakal mbayar kanca-kanca ksb.

Mesthi wae sadurunge kudu ana kesepatakan dhisik antarane kanca-kanca karo perusahaan ksb. Bisa wae kanca-kanca kang nawakake kerjasama iki, utawa perusahaan mau kang ngontak kanca-kanca.

Yen channel videomu wis cukup terkenal, biasane bakal akeh perusahaan kang njaluk dilebokake produke menyang njero videomu.

 

3. Video Sponsor

Carane golek dhuwit saka Youtube kang katelu iki satemene memper kanthi cara kapindho.

Mung bedane, ing cara katelu iki videomu pancen khusus kanggo review saka produk utawa jasa. Dudu produke mung saderma liwat.

Video kaya ngene iki sering uga disebut endorse.

Dadi, mengkone wong sing duwe produk utawa jasa bakal ngubungi kanca-kanca minangka YouTuber saperlu njaluk tulung ngreview produke. Sawise iku produsen mau bakal mbayar kowe.

Dene gedhene bayarane variatif banget. Gumantung saka jumlah subscriber-e, engga kesepatakan karo wong sing duwe produk ksb. (nyandhak minggu ngarep)

Berita Terkait

img

Samak Minggu Ini

img

img

Sumber Semangat

Yen kowe ora nduweni apa sing mbok senengi, mula senengana apa kang mbok duweni dinane iki.

Klik

CUKUR WULU UNTA

Jroning ngadhepi riyaya qurban, ing Pakistan unta-unta kanggo keperluan kurban padha dicukur luwih dhisik amrih mbentuk wulu kanthi motif kang edipeni. (d/ist)***

Pethilan

Nom-noman Indonesia akeh tampil ing panggung jagad

Indonesia saya ‘mendunia’

Ormas dadi bandhul kang ngimbangi polaritas akibat pemilu

Parpol kang ngebot-eboti

Kerukunan kuwi modal penting pembangunan

Aja gelem digawe usreg terus