Ayu merga menganggo Jilbab, Natalie Sarah Diarani Memper Barbie Arab
Diposting oleh : Administrator
Kategori: Anyar Katon - Dibaca: 274 kali

Sesawangan beda katon ing akun Instagram Natalie Sarah. Keri-keri iki, Natalie kerep ngunggah fotone kanthi menganggo jilbab.

      Ya, Natalie pancen wis gawe keputusan nganggo jilbab. Liwat unggahan ing Instagram mau, dheweke ngumumake wis netepake nutup aurat.

“Ngadeg ing lawange usaha ae seneng. Apamaneh ngadeg ing lawange sorga. InshaAllah, Aamiin #eeaaa #ngareep,” tulise Natalie ing salah sijine unggahan fotone.

Jilbaban pancen ndadekake aurane Natalie katon luwih mencorong. Saya ayu lan anggun. Mula pangalembana terus ngalir lewat foto-foto kang diunggah menyang Instagram @natalie_sarahs.

Sadurunge ngumumake hijrah, Natalie menganggo pasmina kayadene selendhang. Mung dipasang ing sirah nanging isih katon sithik rambute.

Ora suwe sawise kuwi, Natalie ngowahi gaya jilbabe. Luwih nutup lan style simpel kayadene hijabers masa kini.

Ing penampilan liya, Natalie menganggo pashmina warna peach digathukake karo t-shirt kang meh padha lan inner ireng. Kanthi riasan flawless, bintang film Abdullah & Takeshi iki katon nengsemake.

Akeh sing pangling karo pengampilan anyare Natalie. Senajan mung kanthi riasan minimalis, dheweke dianggep kaya tetep ayu kaya Barbie saka Arab.

“Barbie araabb. Ayuuuuu. Muga-2 istiqomah ya,” tulise akun @putri_abrori.

“Tambah ayu ae sumpah, kayak wong arab. Wiwit ndhisik aku seneng banget ndeleng @natalie_sarahs ,saya mrene saya ayu bgt maa syaa Allah,” kandhane @madinaachmad.

“Mbaa.. @natalie_sarahs masha Allah kowe ayu banget,” akun @momionya melu muji.

Piye yen miturut para maos dhewe marang penampilan anyare Natalie iki? (d/ist)***

 

Berita Terkait

img

Samak Minggu Ini

img

img

Sumber Semangat

Ora ana sing ora bisa diikhlasake...

Klik

OJEK MAYIT

Ojek mujudake salah sijine jasa angkut migunakake sepedhahmotor. Ing jaman modern saiki, jasa iki malah bisa dipesen liwat HP, yakuwi kang diarani Ojek Online (Ojol). Ojol ora mung ngeterake wong, nanging uga panganan, barang lan blanjan. Nanging senajan wis modern, pranyata ojol ing Indonesia isih klebu biyasa-biyasa wae. Beda karo ojek ing Kongo, Afrika. Ojek ing kene ora mung bisa ngeterake blanjan utawa panganan wae, nanging uga ngeterake mayit! Carane nggawa kanthi cara dibonceng ing mburi lan ditaleni rapet karo tukang ojeke. Maklum, mayit kuwi ora bisa nggamblok dhewe... (d/ist)***

Pethilan

Akibat anane lindhu, pegawe hotel lan restoran dikon prei

Ujian kanggo kita kabeh minangka bangsa Indonesia

Idrus Marham durung karep dadi justice kolaborator

Mbokmenawa isih bingung milih je­neng-jeneng kang pantes di-‘nya­nyek’-ake

Asil ing Asian Games 2018 dadi tetenger gumregah

Kabeh kanggo Indonesia