Wali Kota Surabaya ngajap Aja Nganti Kesangkud Radikalisme
Diposting oleh : Administrator
Kategori: Yak Opo Kabare - Dibaca: 91 kali

Minangka upaya kanggo nyegah kesangkude bocah ing tumindak radikalisme, wali kota Surabaya Tri Rismaha­rini, ge­gancangan ngumpul­ake kabeh kepala sekolah SD/MI, SMP/MTs, PKBM Madin lan Pondok Pe­santren (Pon­pes).

“Tumindake teror ing Su­rabaya iki kurbane anak-anak. Mulane, bapak lan ibu kepala  sekolah dakkumpulake supa­ya mengko bisa aweh pren­tah ma­rang guru utawa wali kelas kang­go ngawat-awati bocah-bocah sing beda,” ujare Risma, ing Convention Hall, Re­bo mentas iki.

Manut Risma, bocah-bocah mesthi kedheseg marang aja­ran bab dhasar-dhasare aga­ma (doktrin)-e wong tuwane. Sa­engga, sekolah kudu bisa nga­wat-awati lan mbiyantu.

Kepala Dindik Surabaya, Ikhsan nambahake, Wali Kota Surabaya wis paring prentah supaya sekolah ngawat-awati kahanane bocah-bocah. Utama­ne nalika dheweke sesambu­ngan ing njaban kelas.

“Bisa manfaatake BK, guru kelas utawa guru liyane, na­lika jam ngaso lan ing sanja­bane jam pelajaran, menawa wae akeh pawarta gegayutan panguripan padinan utawa ing omah. Ana bedane ing kelas sing dirembug mung pelaja­ran,” jlentrehe Ikhsan.

Sekolah, bacute, bisa nga­nakake program karo kelu­war­ga siswa, program beba­rengan karo anak-anak.

Gegayutan bab kasebut, Dindik Surabaya wis nganak­ake sesambungan karo sa­kehing pehak gegayutan tra­uma center. Kanggo pen­dhampingan marang kurban anak sasuwene ing Rumah Sakit, ing omah, engga ing sekolahan, bareng kanca-kancane.

“Saben anak ana sing ndhampingi dhewe, banjur kancane sing sakelas uga di­wenehi pendhampingan,” ujare.

Penanggung jawab Uliyah Ponpes Darul Barokah, Se­mampir, Muhammad Rifai ngan­dhakake, sasuwene iki gu­ru, kepala sekolah, ustadz lan ustadzah, sarta pimpinan ponpes wis aweh prentah su­paya luwih rapet.

“Anak ora mulih. Yen metu uga kanthi syarat wong tuwa­ne kudu kandha. Upamane, ana pengajian sing ora ana kerja barenge karo lembaga ora diidini. Merga ngendhani pemikiran radikal kang mle­bu,” ujare Mu­hammad Rifai.

Liwat Forum Komunikasi Pon­dok Pesantren (FKPP), pehak sing duwe idin Ponpes lan Ke­menterian Agama tan­sah nga­nakake koordinasi.

“Aku sakanca udakara 26 ponpes wis padha tepunge, sa­engga bisa nyumurupi apa kang diwulangake slaras sya­reat apa ora,” kandhane.

Kanggo nyegah paham ra­dikal sing diwulangake wong tuwa, saben taun dianakake silaturahim karo wali santri.

“Dadi sing dadi pemaham­ane bisa disumurupi yen ana sing radikalisme,” tandhese Rifai.

Kepala SMP 17 Agustus 1945 Surabaya, Wiwik Wah­yu­ningsih ngandhakake, bu­bar kedadeyan teror bom ing Surabaya, sekolah ngumum­ake marang wong tuwane murid supaya ngawat-awati putra-putrine aja diolehi metu ngomah sawise mulih seko­lah.

“Minggu ngarep, saduru­nge miwiti ujian unggah-unggahan (UAS), bocah-bocah dakjak nga­ji dhisik. Sinambi nyisipake bab-bab kang ge­ga­yutan karo anti te­rorisme,” ujare Wiwik. (Bsh)

Berita Terkait

img

Samak Minggu Ini

img

img

Sumber Semangat

Ora ana sing ora bisa diikhlasake...

Klik

OJEK MAYIT

Ojek mujudake salah sijine jasa angkut migunakake sepedhahmotor. Ing jaman modern saiki, jasa iki malah bisa dipesen liwat HP, yakuwi kang diarani Ojek Online (Ojol). Ojol ora mung ngeterake wong, nanging uga panganan, barang lan blanjan. Nanging senajan wis modern, pranyata ojol ing Indonesia isih klebu biyasa-biyasa wae. Beda karo ojek ing Kongo, Afrika. Ojek ing kene ora mung bisa ngeterake blanjan utawa panganan wae, nanging uga ngeterake mayit! Carane nggawa kanthi cara dibonceng ing mburi lan ditaleni rapet karo tukang ojeke. Maklum, mayit kuwi ora bisa nggamblok dhewe... (d/ist)***

Pethilan

Akibat anane lindhu, pegawe hotel lan restoran dikon prei

Ujian kanggo kita kabeh minangka bangsa Indonesia

Idrus Marham durung karep dadi justice kolaborator

Mbokmenawa isih bingung milih je­neng-jeneng kang pantes di-‘nya­nyek’-ake

Asil ing Asian Games 2018 dadi tetenger gumregah

Kabeh kanggo Indonesia