Nyuwun Pirsa
Diposting oleh : Administrator
Kategori: Layang Saka Warga - Dibaca: 67 kali

Nyuwun Pirsa

Lumantar LSW ing majalah PS kawula bade nyuwun pirsa bab :

1. Gambar cover depan PS no. 18 tanggal 5 Mei 2018 anggenipun ngeprint punapa kuwalik? Simpingan ringgit sawingkingipun pesindhen lenggah kadosipun kok bala satriya ingkang biyasa kapasang wonten simpingan sisih tengen?

2. Punapa kepareng kawula nyuwun alamatipun sdl. Soedjijono ingkang nyerat “Derkuku Ndhuwur Wuwungan” PS no. 20/19 Mei 2018: 25. Kadosipun ugi nyerat lairipun Reyog Ponorogo ing PS nomer 36/2009. Ugi ing PS No. lan tgl (?) bab Apa Tumon nalika panjenenganipun taksih sekolah ing SMP K Ponorogo. Nalika semanten piyambakipun nembe upacara bendera, dinten Senin.

Alasan kawula kepengin tetepangan jalaran kawula piyambak ugi alumnus SMP K Ponorogo th. 1964. Kaping kalih kepengin silaturahmi senaosa namung lumantar serat kemawon. Mugi wonten danganing penggalih, kula rantos dhawuhipun. Matur nuwun.

Soenarto  — Jl. Anilo 45  — Kel. Pakunden RT 2 RW 2   —  Ponorogo

 

1. Foto cover sampun leres

2. Soedjijono

d/a Universitas Kanjuruhan Malang,  Jl. S. Supriadi No 48 Malang

Red.

 

Pelaku Teror Kudu Cepet Dieksekusi Mati

Nyambung seratane sdl Tugu W Magalang ing PS No. 21/2018.

Lagi wae kedadeyan dedreg napi teroris ing Mako Brimob Kelapa Dua, langsung disambung bom bunuh dhiri ing Surabaya, Sidoarjo terus ing Riau. Kita durung ngerti sing sabenere, iku wujud balas dhendham, apa mung arep nuduhake eksistensine terorisme ing negara kita.

Nanging kepriye wae, kita ora kena wedi lan kalah karo teroris. Aku usul supaya teroris sing kecekel urip, kudu divonis ukuman mati, lan gek enggal dieksekusi, kanggo conto lan tepa tuladha marang teroris sing isih ngrancang arep nggawe kacone negara kita.

Sing kita gelani, kok ana dedreg bom bunuh dhiri malah dimanfaatake kanggo tujuan politik, sing ora gawe tentreme kahanan, malah nambahi masalah anyar sing pantese dilakoni dening teroris iku dhewe. Piye para sedulur ? Nuwun.

Irawan  —  Palembang.

 

Berita Terkait

img

Samak Minggu Ini

img

img

Sumber Semangat

Ora ana sing ora bisa diikhlasake...

Klik

OJEK MAYIT

Ojek mujudake salah sijine jasa angkut migunakake sepedhahmotor. Ing jaman modern saiki, jasa iki malah bisa dipesen liwat HP, yakuwi kang diarani Ojek Online (Ojol). Ojol ora mung ngeterake wong, nanging uga panganan, barang lan blanjan. Nanging senajan wis modern, pranyata ojol ing Indonesia isih klebu biyasa-biyasa wae. Beda karo ojek ing Kongo, Afrika. Ojek ing kene ora mung bisa ngeterake blanjan utawa panganan wae, nanging uga ngeterake mayit! Carane nggawa kanthi cara dibonceng ing mburi lan ditaleni rapet karo tukang ojeke. Maklum, mayit kuwi ora bisa nggamblok dhewe... (d/ist)***

Pethilan

Akibat anane lindhu, pegawe hotel lan restoran dikon prei

Ujian kanggo kita kabeh minangka bangsa Indonesia

Idrus Marham durung karep dadi justice kolaborator

Mbokmenawa isih bingung milih je­neng-jeneng kang pantes di-‘nya­nyek’-ake

Asil ing Asian Games 2018 dadi tetenger gumregah

Kabeh kanggo Indonesia