Basa India
Diposting oleh : Administrator
Kategori: Sing Lucu - Dibaca: 122 kali

Basa India

Parno :       “Aku duwe tangga asal saka India, pawongane  semanak, blater banget.”

Pardi : “Banjur dadi akrab banget?”

Parno :       “Lha iya, malah sok ngomong nyang aku, gungkar nisnas pihé-pihé!”

Pardi : “Wangsulanmu kepriye?”

Parno :       “Aku banjur wae wangsulan, arep/gelem banget!”

Pardi : “Kok wangsulanmu ngono, kepriye ta?”

Parno :       “Witikna, ditawani jagung bakar manis panas, kopi jahé-kopi jahé, apa arep ditolak?”

Pardi : “Aku melu nggabung ah!!” (kir: Pakne Andi, Purwokerto)

 

Macan

Darto :        “Jo, yen kowe bisa njawab bedhekanku, tak akoni kowe pancen pinter banget.”

Darjo   :        “Oke, bedhekan apa wae tak ladeni.”

Darto :        “Bedhekan iki isih ana gegayutane karo fauna alias donyaning kewan. Iwak paus kuwi kewan mamalia, baya kewan reptilia, wedhus kewan herbivora, yen macan?”

Darjo   :        “Kewan karnivora!”

Darto :        “Jawabanmu bener, kowe pancen pinter, nanging isih durung diarani pinter banget.”

Darjo   :        “Ora ana jawaban liyane sing luwih bener, To! Aku wis yakin karo jawabanku dhewe.”

Darto :        “Miturutku jawaban sing paling pas yakuwi: MACAN kewan sing paling MEDENI...!”

Darjo  :        ????? (kir: Sulispriyanto, Surabaya)

 

Sing Luwih Lara

Barjo : “Min, kanggo ngisi wektu malem minggu, ayo bedhekan! Mumpung durung ngantuk.”

Barmin :       “Ayo, lho. Bedhekane apa?”

Barjo : “Ana wesi abote 60 kg lan kapuk 60 kg, ngendi sing luwih abot?”

Barmin :       “Ya, mesthi padha abote.”

Barjo : “Banjur ngendi sing luwih akeh?”

Barmin :       “Kapuk.”

Barjo : “Yen nibani sikil, ngendi sing luwih lara?”

Barmin :       “Jo, kowe menehi bedhekan kok gampang banget, cocoge bedhekan iki kanggo bocah SD.”

Barjo : “Yen pancen gampang kudune kowe cepet olehe njawab. Apa hayo?”

Barmin :       “Ya luwih lara ditibani wesi.”

Barjo : “Salah!”

Barmin :       “Sing bener piye, lho?”

Barjo : “Sikile sing lara. Iya ta?”

Barmin            :           ?????  (kir: Sulispriyanto, Surabaya)

Berita Terkait

img

Samak Minggu Ini

img

img

Sumber Semangat

Ora ana sing ora bisa diikhlasake...

Klik

OJEK MAYIT

Ojek mujudake salah sijine jasa angkut migunakake sepedhahmotor. Ing jaman modern saiki, jasa iki malah bisa dipesen liwat HP, yakuwi kang diarani Ojek Online (Ojol). Ojol ora mung ngeterake wong, nanging uga panganan, barang lan blanjan. Nanging senajan wis modern, pranyata ojol ing Indonesia isih klebu biyasa-biyasa wae. Beda karo ojek ing Kongo, Afrika. Ojek ing kene ora mung bisa ngeterake blanjan utawa panganan wae, nanging uga ngeterake mayit! Carane nggawa kanthi cara dibonceng ing mburi lan ditaleni rapet karo tukang ojeke. Maklum, mayit kuwi ora bisa nggamblok dhewe... (d/ist)***

Pethilan

Akibat anane lindhu, pegawe hotel lan restoran dikon prei

Ujian kanggo kita kabeh minangka bangsa Indonesia

Idrus Marham durung karep dadi justice kolaborator

Mbokmenawa isih bingung milih je­neng-jeneng kang pantes di-‘nya­nyek’-ake

Asil ing Asian Games 2018 dadi tetenger gumregah

Kabeh kanggo Indonesia