Amrih Ponsel Android Luwih Aman
Diposting oleh : Administrator
Kategori: Aiti - Dibaca: 127 kali

Akeh bab kang ngancam keamanan ponsel kita, lan ora ana cara kang hebat banget kanggo ngamanake ponsel Android kita mau. Senajan mangkono, iki ana sawenehing cara sederhana kanggo nylametake saka anane ancaman keamanan ksb. Ing antarane yakuwi;

 

1. Kunci layar

Akeh wong kang ora ngunci layar ponsele merga emoh repot migunakake passcode. Kudu diakoni, ngetikake password saben arep mbukak ponsel pancen rodok nyebelake. Nanging kuwi mujudake perlindungan paling dasar kanggo sawijining ponsel.

Yen durung ngaktifake kunci layar ponsel, kita bisa ngakses Settings > Security > Screen Lock. Kita bisa nggunakake PIN utawa passcode. Nanging becike ora nggunakake kunci pola. Kunci pola kurang aman merga polane mbekas ing layar. Mula kudu sregep ngresiki layar ponsel. Mangka ora ngerti kapan maling bakal nyolong data ponsel kita.

 

2. Goleki lan busak data ponsel saka kadohan

Yen kita kelangan ponsel Android, kita bisa nggunakake Android Device Manager kanggo nglacak perangkat kita. Yen pancen diperlokake, kita bisa mbusak kabeh data ing ponsel mau saka kadohan. Nanging, ana pengaturan kang kudu diaktifake sadurunge bisa nggunakake fitur iki.

Akses Settings > Google > Security. Ana 2 bab kang kudu diaktifake, yaiku “Remotely locate this device” lan “Allow remote lock and erase.” Lelorone fitur iki bisa kanggo nglacak posisi ponsel lan mbusak data ing njerone sasuwene nyambung karo internet lan batereine isih ana. (gbr 1)

 

3. Aja gampang ngidini pasang aplikasi

Google tansah nyoba mesthekake aplikasi kang ana ing Google Play Store bebas saka malware. Nanging, kita tetep bisa diajak ngundhuh aplikasi saka toko aplikasi liya utawa malah saka situs kang ora dingerteni. Pancen, ana sawenehing toko aplikasi sa­liyane Google kang resmi, kaya Amazon upamane.

Senajan mangkono, ana sawenehing toko aplikasi kang ora luwih aman dibandhing Play Store. Saliyane iku, ana uga situs kang bisa masang aplikasi menyang ponsel kita tanpa ijin. Tujune, Android bisa mblokir aplikasi kang ora diundhuh saka Play Store. Mula kuwi, kita perlu mlebu Settings > Security. Sawise iku, ing bagian “Unknown sources”, pesthekna jroning kahanan non-aktif. (gbr 2)

 

4. Ben wae Android mindai lan verifikasi aplikasi kita

Senajan Google nyoba nyegah mlebune aplikasi kanthi malware menyang Play Store, tansah ana kemungkinan ana aplikasi kanthi malware kang lolos saka pemeriksaan Google. Kita bisa ngaktifkan fitur kang ndadekake ponsel mindai aplikasi kang wis kapasang ing ponsel.

Mula iku, mlebu menyang Settings > Google > Security > Verify app. Sawise iku, aktifke fitur “Scan device for security threats”.

 

5. Update ponsel kita

Hacker terus nganyari strategine kanggo mbobol ponsel Android. Mula iku, Google terus ngetokake update keamanan kanggo nambal bolongan keamanan paling anyar kang ana. Mesthekake ponsel kita wis ngundhuh update mujudake salah sijine cara paling gampang kanggo mesthekake ponsel kita aman saka hacker.

Biasane, ponsel Android kita bakal kanthi otomatis njaluk ngundhuh patch paling anyar. Kanggo meriksa apa ana update anyar, kita bisa ngakses Settings > About Phone > System updates.

 

6. Aktifke fitur Safe Browsing ing Chrome

Aplikasi kanthi malware dudu siji-sijine bab kang kita khawatirake. Ana uga situs kang kebak kode jahat kang nyoba nyolong informasi pribadi kita utawa nyoba masangake aplikasi jahat menyang ponsel kita.

Tujune, Chrome kanggo Android dilengkapi nganggo mode “Safe Browsing”. Chrome bakal ngelikake kita nalika arep ngunjungi situs kang dicurigai ora aman. Peringatan iki bisa ndadekake kita ora ngakses halaman kang mbebayani mau.

Kanggo ngaktifkake fitur iki, kita perlu mlebu menyang Settings > Privacy. Pesthekna fitur “Safe Browsing” jroning kahanan aktif. (d/ist)

Berita Terkait

img

Samak Minggu Ini

img

img

Sumber Semangat

Yen kowe ora nduweni apa sing mbok senengi, mula senengana apa kang mbok duweni dinane iki.

Klik

CUKUR WULU UNTA

Jroning ngadhepi riyaya qurban, ing Pakistan unta-unta kanggo keperluan kurban padha dicukur luwih dhisik amrih mbentuk wulu kanthi motif kang edipeni. (d/ist)***

Pethilan

Nom-noman Indonesia akeh tampil ing panggung jagad

Indonesia saya ‘mendunia’

Ormas dadi bandhul kang ngimbangi polaritas akibat pemilu

Parpol kang ngebot-eboti

Kerukunan kuwi modal penting pembangunan

Aja gelem digawe usreg terus